प्रक्रि या झालेले पाणी वापराची सक्ती !

सिडको वसाहतीत निर्माण होणाऱ्या सांडपाण्यावर प्रक्रि या करून ते खाडीत सोडून दिले जाते, मात्र अलीकडे तीव्र पाणीटंचाई निर्माण झाल्याने उपाय म्हणून मलनि:सारण केंद्रातून प्रक्रिया झालेल्या

अरुणकुमार मेहत्रे, कळंबोलीसिडको वसाहतीत निर्माण होणाऱ्या सांडपाण्यावर प्रक्रि या करून ते खाडीत सोडून दिले जाते, मात्र अलीकडे तीव्र पाणीटंचाई निर्माण झाल्याने उपाय म्हणून मलनि:सारण केंद्रातून प्रक्रिया झालेल्या पाण्याचा वापर करण्याचा निर्णय सिडकोने घेतला आहे. एकूण २२० कोटी रुपये खर्च करून नवीन जलवाहिन्या टाकण्यात येणार आहेत. हे पाणी इतर कारणाकरिता वापरण्याची सक्ती करण्याचा विचार पाणीपुरवठा विभाग करत आहे. त्या दृष्टीने बोर्डाकडे प्रस्ताव सुध्दा सादर करण्यात येणार आहे.नवीन पनवेल, कळंबोली, खारघर, कामोठे या सिडको वसाहतींमध्ये लोकवस्ती मोठ्या प्रमाणात वाढली आहे. सगळ्या वसाहतीत मलनि:सारण वाहिन्या टाकण्यात आल्या आहेत. या वाहिन्यांव्दारे सदनिकांतून निघणारे सांडपाणी त्या त्या वसाहतीतील मलनि:सारण केंद्रात सोडण्यात येते. या चारही वसाहतीत मलनि:सारण केंद्र आहेत. सांडपाण्यावर याच केंद्रामध्ये प्रक्रि या केली जाते. त्यानंतर हे पाणी खाडीत सोडण्यात येते, मात्र शास्त्रशुध्द पध्दतीने प्रक्रि या केलेले हे पाणी उपयोगात आणता येऊ शकते. त्यानुसार गेल्या अनेक वर्षांपासून सिडकोकडे प्रस्ताव आहे. सिडकोला एमजेपी आणि मनपाकडून पाणी घेते. त्यांच्याकडून मागणीनुसार पाणी नाही मिळाले तर वसाहतींमध्ये पाण्याची बोंबाबोंब सुरू होते. उन्हाळ्यात पाण्याची निकड भासत असल्याने त्याच्यावर उपाययोजना म्हणून मलनि:सारण केंद्रातून प्रक्रिया झालेले पाण्याचा वापर करणे फायदेशीर ठरेल असा मुद्दा उपस्थित करण्यात आला. त्यानुसार सिडकोने पावले उचलण्यास सुरुवात केली आहे. या प्रकल्पाचे नियोजन करण्याकरिता आराखडा तयार करण्यात आला आहे. त्याकरिता सल्लागार नियुक्त करण्यात आला आहे. लोकांची मानसिकता नसल्याने हे पाणी वापरण्यास टाळाटाळ केली जाते. मात्र घरात शौचालय, कपडे धुणे त्याचबरोबर झाडांना हे पाणी वापरण्याकरिता सक्ती करण्याच्या दृष्टीने चाचपणी सुरू आहे.> ग्रे वॉटरचा पुनर्वापर करण्याकरिता आम्ही विशेष प्रयत्नशील आहोत. याकरिता सल्लागार नियुक्त करण्यात आला आहे. त्या एजन्सीकडून आराखडा तयार करण्याचे काम सुरू आहे. एकूण ५५ एमएलडी पाणी पुनर्वापराकरिता उपलब्ध होवू शकणार आहे. हे पाणी नागरिकांना स्वस्त दरात मिळणार असल्याने त्यातून बचत होणार आहे. तशी सक्ती करावी लागेल त्या दृष्टीने आम्ही प्रशासनाला प्रस्ताव देण्याचा विचार करत आहोत.- रमेश गिरी, अधीक्षक अभियंतापाणीपुरवठा विभाग, सिडको