पनवेलमध्ये जयसिंग शेरे यांचे उपोषण सुरू

पनवेल शहरातील एनके हेरिटेज सोसायटी, महाराणा सोसायटी, नवनाथनगर आदी ठिकाणच्या कामांना अद्यापही सुरुवात

पनवेल : पनवेल शहरातील एनके हेरिटेज सोसायटी, महाराणा सोसायटी, नवनाथनगर आदी ठिकाणच्या कामांना अद्यापही सुरुवात न केल्याने स्वराज्य क्र ांती प्रतिष्ठानचे जयसिंग शेरे यांनी रेल्वे स्थानकासमोर सोमवारपासून आमरण उपोषण सुरू केले आहे. दुसऱ्या दिवशीही हे उपोषण सुरू आहे. शहरातील महाराणा सोसायटी व यशो नारायण इमारतीची ड्रेनेज लाइन एकत्र जोडणे, एनके हेरिटेज सोसायटीमध्ये नवीन टाकलेली ड्रेनेजच्या लाइनवर काँक्रीटीकरणाचे काम पूर्ण करणे, अतिरिक्त टाकलेली पाण्याची पाइप लाइन काढणे, नवनाथनगर व शिवाजीनगर झोपडपट्टीसाठी सार्वजनिक शौचालयासाठी आलेला निधी वापरावा, पनवेल रेल्वे स्टेशन रोड ते आंबेडकर चौक रोडवरील फुटपाथच्या बाजूला साचलेला कचरा व माती उचलणे, पुरुष व महिलांसाठी वेगवेगळ्या मुताऱ्या बांधाव्यात, या मागण्यांसाठी शेरे यांनी बेमुदत उपोषण पुकारले आहे. (वार्ताहर)