एसटी कामगारांच्या संपामुळे हजारो कुटुंबांवर उपासमारीची वेळ

महाराष्ट्रात एसटी कामगारांच्या संपामुळे दिवाळीत राज्यात हजारो कुटुंबांवर उपासमारीची वेळ आली आहे. संप लांबल्यास काय खायचे, असा प्रश्न त्यांना पडला आहे.

पनवेल : महाराष्ट्रात एसटी कामगारांच्या संपामुळे दिवाळीत राज्यात हजारो कुटुंबांवर उपासमारीची वेळ आली आहे. संप लांबल्यास काय खायचे, असा प्रश्न त्यांना पडला आहे. त्यामुळे त्यांचे व त्यांच्या कुटुंबाचे मुख्यमंत्र्यांना तोडगा काढण्याचे आवाहन, तसेच खासगी गाडीवाल्यांकडून मात्र लूटमार सुरू आहे.महाराष्ट्रात एसटी कामगारांचा मंगळवारपासून बेमुदत संप सुरू झाला. २४ तासांनंतरही त्यावर तोडगा निघाला नाही. महाराष्ट्रात परिवहन महामंडळाची २५० आगारे आहेत. त्यांच्या अंतर्गत अनेक स्थानके आहेत. त्यांच्या परिसरात अनेक जण छोटे-मोठे धंदे करून आपल्या कुटुंबाचा उदरनिर्वाह करीत असतात. सरासरी एका आगारात ३०-४० जण तर स्थानकावर १५ -२० जण धंदा करीत असतात. कामगारांच्या संपामुळे गाड्या बंद असल्याने प्रवासी येत नाहीत, त्यामुळे राज्यातील हजारो लोकांचा रोजगार बंद झाला आहे. एसटी स्थानकावर रिक्षांच्याही रांगा लागलेल्या दिसत आहेत.दिवाळीमध्ये गाड्यांना गर्दी असल्याने चांगला धंदा होतो. मात्र, आज घरी बसावे लागल्याने हातावर पोट असलेल्यांना उपासमारीला तोंड द्यावे लागत आहे. संप लांबल्यास काय करायचे, असा प्रश्न अनेकांपुढे निर्माण झाला आहे.पनवेल स्थानकावरील वृत्तपत्र विक्रेत्यांनी मंगळवारपासून आमचाही धंदा निम्मा झाला आहे. यावर मुख्यमंत्री देवेंद्र फडणवीस यांनी मध्यस्थी करून तोडगा काढावा, अशी मागणी के ली आहे.मी पनवेल एसटी स्थानकात दुपारी १२ ते रात्री ९ वाजेपर्यंत गाडीत शेंगदाणे विकून दिवसाला १०० रु पये मिळवायचो, दिवाळी सिझनमध्ये २५०-३०० रु पये मिळायचे. घरात पाच माणसे, मी एकटाच कमवणारा. आज घरात बसून आहे. संप सुरू राहिल्यास काय करावयाचे हा माझ्या पुढे प्रश्न आहे.- केशव रायकरमी १० वर्षांपेक्षा जास्त काळ पनवेल स्थानकावर केळी विकत आहे. रोज ५ ते ६ क्रेट केळी विकत होते. मंगळवारपासून २ क्रेट केळी विकली गेली नाहीत.- सखूबाई पराडेआम्ही पनवेल स्थानकावर रिक्षाचा धंदा करतो. एका पाळीचे मालकाला भाडे २०० ते २५० द्यावे लागते. १५० रु पयांचा गॅस पेण, अलिबाग आमचे भाडे जास्त असल्याने प्रवाशाला परवडत नाही. एसटी बंद असल्याने प्रवासी ये-जा नसल्याने दिवसाला ५०० रु पये धंदा होत नाही.- संपत वायबसे,जलिंदर आवटे,रिक्षाचालकएनएमएमटी बसेस फूलसातव्या वेतन आयोग लागू करावा, याकरिता पुकारण्यात आलेला संप बुधवारीही मिटला नाही. त्यामुळे अतिशय गजबज असणाºया पनवेल बसस्थानकावर दुसºया दिवशी शुकशुकाट दिसून आला. लोकल प्रवाशांकरिता एनएमएमटी, केडीएमएमटी आणि बेस्टच्या गाड्या फूल दिसून आल्या. बुधवारी संप सुरू राहणार असल्याने दीपावलीनिमित्त गावी जाणाºया प्रवाशांनी खासगी बसेसचा आधार घेतला. त्याचबरोबर पुणे बाजूकडे प्रवासी वाहतूक करणारी अनेक खासगी वाहने महामार्गावर उभी होती. द्रुतगती महामार्गाच्या प्रवेशद्वारावर खासगी वाहनांची वाट पाहणारे प्रवासी सकाळी मोठ्या प्रमाणात दिसून आले. दूध टँकर, टेम्पोतून अनेकांनी पुणे, चाकण, अहमदनगर, सातारा, सोलापूरपर्यंत प्रवास केला. त्यामुळे पनवेल बसस्थानकावर मंगळवारच्या तुलनेत बुधवारी शुकशुकाट दिसून आला. काही प्रवाशांचा अपवाद वगळता, कोणीही स्थानकात फिरकले नाही. पनवेल आरटीओने माणगावपर्यंत काही खासगी बसेसची व्यवस्था केली होती. या सेवेला विरोध होऊ नये म्हणून या ठिकाणी पोलीस बंदोबस्त तैनात करण्यात आला होता.