विनयभंगाप्रकरणी चौघांना अटक

कर्नाळ्याजवळ असलेल्या पॅनारामिक रिसॉर्टमध्ये विनयभंगप्रकरणी चौघांना अटक करण्यात आली आहे. वाशी येथील पाटील कुटुंबीय व त्यांचे नातेवाईक असे ३२ जण रविवा

पनवेल : कर्नाळ्याजवळ असलेल्या पॅनारामिक रिसॉर्टमध्ये विनयभंगप्रकरणी चौघांना अटक करण्यात आली आहे. वाशी येथील पाटील कुटुंबीय व त्यांचे नातेवाईक असे ३२ जण रविवारी मुंबई - गोवा महामार्गावर कर्नाळ्याजवळील पॅनारामिक रिसॉर्टमध्ये गेले होते. दुपारी २.१५ च्या दरम्यान जेवण झाल्यानंतर रिसॉर्टच्या बाजूला असणाऱ्या झाडाखाली फोटो काढण्यासाठी पाटील कुटुंबातील दोन मुलीगेल्या असता तीन अनोळखी व्यक्तींनी त्यांच्यासोबत अश्लील संभाषण केले. याबाबत पाटील कुटुंबियातील एकाने त्यांना विचारणा के लीअसता त्यांनी शिवीगाळ करत लोखंडी डब्याने व दगडाने मारहाण केली. तसेच या दोन मुलींना धक्काबुक्कीही करण्यात आली. याप्रकरणी पोलिसांनी पंकज कुंभार (२२, रा. कुंभार आळी, पेण), दर्शन जाधव (२१, रा. वर्सेगाव, पेण), राज चौधरी (रा. वर्सेगाव, पेण), लक्ष्मण बोहरा (रा. नंदिमाल नाका, पेण) यांना अटक केली असून, त्यांच्याविरोधात गुन्हा दाखल के ला आहे.या सर्व प्रकारामुळे रिसॉर्टमधील सुरक्षा व्यवस्थेवर प्रश्नचिन्ह निर्माण झाले आहे. (वार्ताहर)