पनवेल आरटीओ लवकरच साकारणार हक्काची इमारत

परिवहन कार्यालयाच्या जागेचा प्रश्न मार्गी लागला आहे. सिडकोकडून करंजाडे येथील भूखंड परिवहन विभागाकडे वर्ग करण्यात आला आहे.

प्रशांत शेडगे ल्ल पनवेल

परिवहन कार्यालयाच्या जागेचा प्रश्न मार्गी लागला आहे. सिडकोकडून करंजाडे येथील भूखंड परिवहन विभागाकडे वर्ग करण्यात आला आहे. सर्वात महत्त्वाची गोष्ट म्हणजे या इमारतीचा आराखडा तयार असून निधीही मंजूर झाला आहे. आचारसंहितेमुळे विधानसभा निवडणुकीनंतर निविदा प्रसिध्द करून प्रत्यक्ष कामाला सुरूवात होणार असल्याची माहिती परिवहन विभागाच्या अधिका:यांनी दिली.

पनवेल परिसराचा वाढता विस्तार त्याचबरोबर ठाणो परिवहन आणि पेण उपप्रादेशिक परिवहन कार्यालयावर ताण पडत होता. स्थानिकांच्या मागणीनुसार पनवेल परिसराकरिता स्वतंत्र आरटीओ कार्यालय व्हावे याकरिता शासनाकडे मागणी केली होती. या संदर्भात त्यांनी वारंवार पाठपुरावाही केला होता. या मागणीची दखल घेत राज्य परिवहन विभागाने नोव्हेंबर 2क्1क् मध्ये ठाणो प्रादेशिक परिवहन कार्यालयाचे विभाजन करून पनवेल प्रादेशिक परिवहन कार्यालय सुरू केले, त्याचबरोबर पेण कार्यालयावरील ताण कमी करण्याकरिता पनवेल, कजर्त, खालापूर या तालुक्यांकरिता पनवेल उपप्रादेशिक परिवहन कार्यालय सुरू केले. पेण कार्यालयावरील ताण कमी करण्याकरिता पनवेल, कजर्त, खालापूर या तालुक्यांकरिता पनवेल उपप्रादेशिक परिवहन कार्यालय सुरू करण्यात आले. सध्या कळंबोली स्टील मार्केटमध्ये हे कार्यालय सुरू आहे. या ठिकाणीही जागा अपुरी पडत असून अवजड वाहनांच्या गर्दीत सर्व कर्मचारी आणि अधिका:यांचा श्वास गुदमरत आहे. 

पनवेल आरटीओ कार्यालयाला हक्काची आणि मुबलक जागा असावी याकरिता गेल्या तीन वर्षापासून शोध सुरू होता. याकरिता परिवहन अधिका:यांनी सिडकोकडे सातत्याने पाठपुरावा केला. या कामी सिडकोने सकारात्मक भूमिका घेतली. या वर्षाच्या सुरूवातीलाच झालेल्या बोर्डाच्या बैठकीत या प्रस्तावाला मंजुरी मिळाली. गेल्या काही महिन्यात सर्व तांत्रिक बाबींची पूर्तता करून हा भूखंड परिवहन विभागाकडे वर्ग करण्यात आला आहे.

 

करंजाडेत उभे राहणार कार्यालय

नव्याने विकसित होत असलेल्या करंजाडे नोडमध्ये 345क् चौरस मीटरचा भूखंड देण्याचा निर्णय सिडको संचालक मंडळाच्या बैठकीत झाला होता. नगरविकास विभागाची मंजुरी आणि सर्व तांत्रिक बाबीची पूर्तता झाल्याने ही जागा परिवहन विभागाकडे हस्तांतरित करण्यात आली आहे. त्यानंतर या ठिकाणी सार्वजनिक बांधकाम विभागाच्या माध्यमातून अत्याधुनिक स्वरूपाचे कार्यालय उभारण्यात येणार आहे. हा परिसर पनवेल शहराच्या बाहेर असल्याने तपासणीकरिता कोणत्याही अडचणी येणार नाहीत.