पनवेल नगर परिषदेच्या आरक्षणाची सोडत जाहीर

वर्षाच्या शेवटी होणाऱ्या रायगड जिल्ह्यातील नगरपालिकेच्या निवडणुकीसाठी प्रभाग आरक्षणाची सोडत जाहीर झाली. पनवेल नगर परिषदेच्या नव्याने करण्यात आलेल्या प्रभाग रचनेत १९ प्रभागांच्या

पनवेल : वर्षाच्या शेवटी होणाऱ्या रायगड जिल्ह्यातील नगरपालिकेच्या निवडणुकीसाठी प्रभाग आरक्षणाची सोडत जाहीर झाली. पनवेल नगर परिषदेच्या नव्याने करण्यात आलेल्या प्रभाग रचनेत १९ प्रभागांच्या संख्येत वाढ होऊन २४ झाली आहे. त्यामुळे पनवेल नगर परिषदेत एकूण १० नगरसेवक वाढणार आहेत. राज्यातील मोठ्या नगरपालिकेत पनवेल नगरपालिकेचा समावेश होतो. नगर परिषदेच्या आरक्षणाची सोडत शनिवार वासुदेव बळवंत फडके नाट्यगृहात पार पडली. या नगरपालिकेच्या निवडणुकीसाठी आरक्षण सोडतीमुळे बहुतांशी विद्यमान नगरसेवकांना प्रभाग रचनेत बदल झाला आहे. राज्य निवडणूक आयोगाने निश्चित करून दिलेल्या कार्यक्रमांतर्गत प्रांताधिकारी भरत शितोळे यांच्या अध्यक्षतेखाली आरक्षण सोडत काढण्यात आली. यामध्ये शहरातील २४ प्रभागांचे नकाशे, व्याप्ती व चतु:सीमा नागरिकांना पाहण्यासाठी खुल्या करण्यात आल्या. मुख्याधिकारी मंगेश चितळे यांनी २४ प्रभागांच्या चतु:सीमांची माहिती दिली. यावेळी २४ प्रभागांतून ४८ नगरसेवक निवडले जाणार आहेत. त्यात ५० टक्के आरक्षण असल्याने महिलांची संख्या देखील पुरुषांच्या बरोबरीने असेल. मतदारांच्या संख्येनुसार अनुसूचित जाती प्रवर्गाच्या जागेसाठी २, ८, १६, १८ या प्रभागांच्या चिठ्ठ्या काढण्यात आल्या. प्रभाग २ आणि ८ हे अनुसूचित जाती महिलांसाठी राखीव ठेवण्यात आले, तर उर्वरित दोन प्रभाग हे अनुसूचित जाती खुल्या प्रवर्गासाठी राहिले. २४ क्र मांक प्रभागातील १ जागा एसटीसाठी तर ओबीसीसाठी १, ३, ४, ५, ६ , ७, १०, ११, १७, १९, २०, २२, २३ हे १३ प्रभाग आरक्षित ठेवण्यात आले आहेत. त्यातील १, ४, ५, ६, १७, १९, २० हे ७ प्रभाग ओबीसी महिलांसाठी राखीव आहेत. महिला खुल्या प्रवर्गासाठी ३, ७, ९, १०, ११, १२, १३, १४, १५, १६, १८, २१, २२, २३, २४ या प्रभागांतील एक एक जागा आरक्षित आहे, तर १, २, ४, ५, ६, ८, ९, १२, १३, १४, १५, १७, १९, २० या प्रभागांतील एक एक जागा खुल्या प्रवर्गासाठी असणार आहे.नियोजित पनवेल महानगरपालिका स्थापनेचे वारे सर्वत्र वाहत आहेत. यासंदर्भात नागरिकांकडून सूचना व हरकती मागविण्यात आल्या आहेत. काही दिवसांतच त्याच्यावर सुनावणी अपेक्षित असताना पनवेल नगर परिषदेच्या प्रभाग रचना व आरक्षण जाहीर झाल्यामुळे अनेक जण संभ्रमात आहेत. नियोजित पनवेल महानगरपालिका स्थापन होणार आहे कह नाही, अशी चर्चा सध्या सुरू आहे. उरण नगर परिषदेच्या निवडणुक ांचे आरक्षण जाहीरयेत्या डिसेंबर २०१६ रोजी होऊ घातलेल्या उरण नगर परिषदेच्या नऊ प्रभागांच्या १८ जागांचे आरक्षण शनिवारी जाहीर झाले. उरण नगर परिषदेच्या सभागृहात उपजिल्हाधिकारी समीर कुर्तकोटी यांच्या मार्गदर्शनाखाली आरक्षण सोडत पद्धतीने काढण्यात आले. या प्रसंगी उरण तहसीलदार कल्पना गोडे, उरण नगराध्यक्ष महेश बालदी, उपनगराध्यक्ष सुजाता गायकवाड, मुख्याधिकारी अतुल पिंपळे उपस्थित होते. सोडतीने काढण्यात आलेले आरक्षण पुढीलप्रमाणे - प्रभाग १ अ सर्वसाधारण स्त्री, ब सर्वसाधारण, प्रभाग २ अ सर्वसाधारण स्त्री, ब सर्वसाधारण, प्रभाग ३ अ नागरिकांचा मार्गास प्रवर्ग स्त्री, ब सर्वसाधारण, प्रभाग ४ अ नागरिकांचा मागास प्रवर्ग, ब सर्वसाधारण स्त्री, प्रभाग ५ अ सर्वसाधारण स्त्री, ब सर्वसाधारण, प्रभाग ६ अ अनुसूचित जाती स्त्री, ब सर्वसाधारण, प्रभाग ७ अ नागरिकांचा मागास प्रवर्ग स्त्री, ब सर्वसाधारण, प्रभाग ८ अ, प्रभाग क्र १ अ नागरिकांचा मागास प्रवर्ग, ब सर्वसाधारण स्त्री व प्रभाग ९ अ नागरिकांचा मागास प्रवर्ग स्त्री, ब सर्वसाधारण.