लोकमत न्यूज नेटवर्कनेरळ : कर्जत - मुरबाड राज्यमार्गावर गुरुवारी रात्री कळंबजवळील भागुचीवाडी येथे ट्रेलर रस्त्याच्या मध्यभागी पलटी होऊन अपघात घडला. यात कोणतीही जीवितहानी झाली नसली तरी ट्रेलरचे मोठ्या प्रमाणात नुकसान होऊन ड्रायव्हर जखमी झाला आहे. त्याला जवळच्या खासगी रुग्णालयात दाखल करण्यात आले आहे.गुरु वारी मध्यरात्री राजस्थानवरून अनेक नवीन ट्रेलर कर्जत-मुरबाड राज्य मार्गागावरून खोपोली येथील अशोक लँड कंपनीमध्ये जात होते. तेव्हा या मार्गावरील भागुचीवाडीसमोरील घाट रस्त्यावर ट्रेलर येत असताना ट्रेलरवरील चालकाचा ताबा सुटल्याने हा अपघात घडला. या अपघातात नवीन ट्रेलरचे प्रचंड नुकसान झाले असून चालकही जखमी झाला आहे.सुदैवाने यात कोणतीही जीवितहानी झाली नाही. ट्रेलरला रस्त्याच्या मध्यभागी झालेल्या या अपघातामुळे वाहने ये-जा करण्यास अडथळा निर्माण होत होता. त्यानंतर शुक्र वारी दुपारनंतर क्रे नच्या साहाय्याने हा पलटी झालेला ट्रेलर बाजूला करण्यात आला. त्यानंतर वाहने सुरळीत जाण्यास सुरु वात झाली.
कर्जत राज्यमार्गावर ट्रेलरला अपघात
By admin | Updated: May 13, 2017 01:12 IST