ऑनलाइन लोकमतनवी दिल्ली, दि. 19 - आंतरराष्ट्रीय दहशतवादी संघटना असलेल्या इसिसने भारतामध्ये खुरापती करण्यास सुरुवात केली आहे. बिहारमधील नौहाटा या भागात इसिस या दहशतवादी संघटनेचे पोस्टर झळकले आहे. त्या पोस्टरवर भारतातील तरुणांनी इसिसमध्ये सहभागी व्हावे असे लिहिले आहे. अशा प्रकराचे पोस्टर झळकल्याने पोलीस यंत्रणा सतर्क झाल्या असून परिसरात याप्रकरणाच्या तपासाला सुरुवात केली आहे.काल रात्री उशीरा बिहारमधील नौहाटाक इसिसचे पोस्टर झळकले होते, नौहाटामध्ये शनिवारी इराक आणि सीरिया या देशांमधील क्रूरकृत्यांनी जगभरात दहशत निर्माण करणाऱ्या इसिस या दहशतवादी संघटनेचे पोस्टर झळकले आहे. या पोस्टरद्वारे त्यांनी तरुणांना इसिसमध्ये सहभागी होण्याचे अवाहन केले आहे. तर बिहारमधील प्रत्येक जिल्ह्यात इसिस पोहचल्याचा दावाही यामार्फत केला आहे. बिहारमध्ये झळकलेल्या पोस्टरवर तरुणाच्या हातात बंदूक आहे, तसेच त्याचे तोंड काळ्या रुमालाने झाकल्याचे दिसत आहे. बिहारमधील ज्या भागात हे पोस्टर लावण्यात आले त्या भागात पोलिसांनी तपास करण्यात सुरुवात केली असून, तो भाग नक्षलवादग्रस्त आहे. त्यामुळे या पोस्टरवरुन परिसरात खळबळ माजली आहे.
तरुणांनो इसिसमध्ये भरती व्हा, बिहारमध्ये झळकले पोस्टर
By admin | Updated: March 19, 2017 13:17 IST