ऑनलाइन लोकमत
भोपाळ, दि. ५ - मध्य प्रदेशमधील व्यापम गैरव्यवहाराचा पाठपुरावा कर-या पत्रकाराच्या मृत्यूपाठोपाठ आता जबलपूर वैद्यकीय महाविद्यालयाचे डीन डॉ. अरूण शर्मा यांचाही मृतदेह सापडल्याने या घोटाळ्याचे स्वरूप भयंकर होताना दिसत आहे. दिल्लीतील द्वारका परिसरातील उत्पल हॉटेलमध्ये रविवारी सकाळी शर्मा यांचा मृतदेह संशयास्पद स्थितीत आढळला. शनिवारी या हॉटेलमध्ये आलेले शर्मा आज पुन्हा परतणार होते, मात्र त्यापूर्वीच आज सकाळी त्यांचा मृतदेह सापडल्याने एकच खळबळ माजली आहे.
व्यापम घोटळाप्रकरणात आत्तापर्यंत २५हून अधिकांचा मृत्यू झाला आहे. या प्रकरणात नाव आलेल्या एका तरूणीचा मृतदेह शनिवारी रेल्वे रुळांजवळ आढळला होता, त्या तरूणीच्या पालकांची मुलाखत घेणा-या पत्रकाराचाही मृत्यू झाल्याने खळबळ माजली होत . आणि आता डॉ. शर्मा यांच्या मृत्यूमुळे संशयास्पद वातावरण निर्माण झाले आहे.