चेन्नई/तिरुवअनंतपुरम/ पुडुच्चेरी : तामिळनाडू, केरळ आणि पुडुच्चेरीत सोमवारी होणाऱ्या विधानसभा निवडणुकीसाठीच्या प्रचारतोफा शनिवारी सायंकाळी थंडावल्या. तामिळनाडूत विधानसभेच्या २३४, केरळमध्ये १४० तर पुडुच्चेरीत ३० जागांसाठी मतदान होणार आहे. या तीन राज्यांसोबतच यापूर्वी निवडणूक झालेल्या आसाम आणि पश्चिम बंगालमधील विधानसभा निवडणुकीची मतमोजणी येत्या गुरुवारी (१९ मे रोजी) होईल. केरळमध्ये भारतीय जनता पार्टी (भाजपा) ९८ जागांवर निवडणूक लढवित आहे. दुसरीकडे काँग्रेसने ८७ तर माकपाने ८५ जागांवर आपले उमेदवार उभे केले आहेत. याशिवाय ७८२ अपक्ष उमेदवार निवडणूक रिंगणात आपले राजकीय भविष्य आजमावत आहेत. (वृत्तसंस्था)
तीन राज्यांत प्रचाराच्या तोफा थंडावल्या
By admin | Updated: May 15, 2016 05:14 IST