जुना लो‘ात महिलेची आत्महत्या

लोहा : जुना लो‘ातील महादेव मंदिर भागात राहणार्‍या ३५ वर्षीय महिलेने घरातील छताच्या गजाळीस गळफास लावून आत्महत्या केल्याची घटना १४ जुलै रोजी सकाळी साडेनऊ वाजेदरम्यान घडली़
शहरातील जुना लोहा भागातील महादेव मंदिर परिसरात भातलवंडे दांपत्य राहण्यास आहे़ घरामध्ये पती विजय भारत भातलवंडे व पत्नी अंबिका विजय भातलवंडे (वय ३५) तसेच त्यांची ६ वर्षीय मुलगी राहते़ १४ रोजी सकाळी दोघा पती-पत्नीने घरातील पाणी भरले व पती कामासाठी बाहेर गेला़ गत अनेक दिवसांपासून घरात आर्थिक अडचण निर्माण झाल्यानने आर्थिक अडचणीच्या कारणामुळे अंबिका भातलवंडे यांनी घरातील छताच्या लोखंडी गजाळीस दोरीच्या सहाय्याने गळफास लावून आत्महत्या केली़ या प्रकरणी लोहा पोलिसात आकस्मिक मृत्यूची नोंद करण्यात आली असून तपास पोहेकाँ जायभाये करीत आहेत़

शंकरराव चव्हाण यांना अभिवादन
लोहा : तालुका काँग्रेस कमिटी कार्यालयात मराठवाड्याचे भगीरथ कै़डॉ़शंकरराव चव्हाण यांच्या जयंतीनिमित्त अभिवादन सोहळा घेण्यात आला़
प्रारंभी कै़डॉ़शंकरराव चव्हाण यांच्या प्रतिमेचे काँग्रेस कमिटीचे तालुकाध्यक्ष रंगनाथ भूजबळ यांनी पूष्पहार अर्पण करून अभिवादन केले़ उपस्थितांनी मनोगत व्यक्त केले़ यावेळी काँग्रेसचे शहराध्यक्ष नगरसेवक गजानन सूर्यवंशी, नगरसेवक अजमोद्दीन शेख, बबन निर्मले, माजी नगरसेवक उत्तम महाबळे, ॲड़के़एम़ पवार, बस्वदे, पिनू पाटीील चुडावकर, पत्रकार सुरेश जोंधळे आदी उपस्थित होते़

घरासमोरील जीप चोरट्यांनी पळविली
लोहा : शहरातील मोंढा परिसरात घरासमोर उभी असलेली पीकअप जीप चोरट्यांनी रात्रीच्या अंधाराचा फायदा घेत पळविली़ या प्रकरणी लोहा पोलिसात गुन्हा नोंदविण्यात आला आहे़
शेवडी (बा़) येथील वीरभद्र रामजी डोंगरे हे शहरातील जुना न्यायालयाच्या पाठीमागील मोंढा परिसरात वास्तव्यास आहेत़ त्यांनी स्वत:च्या मालकीची पीकअप महिंद्रा जीप (क्ऱ एम़एच़२६-डी़ ६५९६) घरासमोर उभी केली असता १२ जुलै रोजीच्या रात्री अज्ञात चोरट्यांनी रात्रीच्या अंधाराचा फायदा घेत अंदाजे अडीच लाख किंमतीचे वाहन पळविल्याप्रकरणी लोहा पोलिसात गुन्हा नोंदविण्यात आला असून पुढील तपास पोहेकाँ राठोड करीत आहेत़