सिंगल - जोड

गोदा कुस्ती स्पर्धा
नागपूर : कहाते गोखले व्यायामशाळेच्या शताब्दी महोत्सवानिमित्त गोदा कुस्ती स्पर्धा आयोजित करण्यात आली होती. स्पर्धेत कुमार गटात शुभम ठाकरे विजयी झाला. ३६ किलो वजन गटात अनिकेत गिऱ्हे, ५४ किलो वजन गटात प्रणय गायकी व ६० कि लो वजन गटात चैतन्य सावरकर विजयी झाले.
आरोग्य शिबिर
नागपूर : प्रभाकर दटके स्मृती सेवा प्रतिष्ठान व संजीवनी प्राणायाम खोडे उद्यान शाखा यांच्या संयुक्त विद्यमाने महिलांसाठी गर्भाशय कर्करोग व स्तन कर्करोग निदान शिबिर व आरोग्य सेवा शिबिराचे आयोजन करण्यात आले होते. शिबिराचे उद्घाटन कांचन गडकरी यांच्याहस्ते झाले. स्त्रियांनी कौटुंबिक जबाबदारीसोबत स्वत:च्या प्रकृतीसाठी आरोग्य तपासणी, योगा व प्राणायम करावे, असे आवाहन त्यांनी केले.