मध्य प्रदेशातील इंदूर जिल्हा येथील बौरसी गावात एका विवाहित तरुणीने पुढील शिक्षण पूर्ण करण्यासाठी धक्कादायक पाऊल उचलले. लग्नानंतर सासरच्या मंडळींनी तरुणीचे शिक्षण थांबवण्याचा निर्णय घेतला. मात्र, त्यामुळे संतप्त झालेल्या तरुणीने गावातील ४०० केव्ही क्षमतेच्या वीज टॉवरवर चढत शोले स्टाईल आंदोलन केले. प्रशासन आणि ग्रामस्थांच्या तत्परतेमुळे मोठा अनर्थ टळला असून तिला सुखरूप खाली उतरवण्यात यश आले.
अज्जू बाई असे या तरुणीचे नाव असून तिचे लग्न झालेले आहे. मात्र, लग्नानंतर तिला पुढेही शिक्षण सुरू ठेवायचे होते. कुटुंबीयांनी तिच्या इच्छेला विरोध करत अभ्यास थांबवण्याचा निर्णय घेतल्याने ती संतप्त झाली. त्यानंतर ती गावाच्या शिवारातील ४०० केव्ही ट्रान्समिशन लाईनच्या टॉवरवर चढली.
सकाळी गावकऱ्यांनी तिला टॉवरवर चढताना पाहताच परिसरात खळबळ उडाली. तत्काळ मध्य प्रदेश पॉवर ट्रान्समिशन कंपनीच्या पथकाला पाचारण करण्यात आले. सहायक अभियंता राजेंद्र कनोजे आणि रवींद्र पाटील यांनी घटनास्थळी धाव घेत परिस्थिती नियंत्रणात आणण्याचे प्रयत्न सुरू केले. उच्च क्षमतेच्या वीज वाहिन्यांच्या जवळ जाणेही जीवघेणे ठरू शकते, हे लक्षात घेऊन कोणालाही टॉवरवर चढण्यास मज्जाव करण्यात आला.
बचाव पथकाने थेट कारवाई करण्याऐवजी समुपदेशनाचा मार्ग अवलंबला. कुटुंबीयांच्या मदतीने तरुणीशी संवाद साधण्यात आला. अखेर तिला पुढील शिक्षणासाठी परवानगी देण्याचे आश्वासन देण्यात आले. काही तासाने तरुणी स्वतःहून खाली उतरली. सुदैवाने, या घटनेत तिला कोणताही इजा झाली नाही.
Web Summary : An Indian woman climbed a 400kV power tower after her family forbade her from continuing her education post-marriage. Authorities persuaded her to descend by promising to allow her to study further. She was unharmed.
Web Summary : एक भारतीय महिला शादी के बाद शिक्षा जारी रखने से परिवार द्वारा मना करने पर 400 केवी पावर टॉवर पर चढ़ गई। अधिकारियों ने उसे आगे पढ़ने की अनुमति देने का वादा करके नीचे उतरने के लिए राजी किया। वह सुरक्षित है।