बेळगावात शाहू महाराजांचा पुतळा उभारणार

शहराच्या प्रवेशद्वार असलेल्या केएलई हॉस्पिटलजवळ राजर्षी शाहू महाराज यांचा पुतळा उभारण्याचा निर्णय महापालिकेच्या शुक्रवारी झालेल्या सर्वसाधारण बैठकीत घेण्यात आला.

बेळगाव : शहराच्या प्रवेशद्वार असलेल्या केएलई हॉस्पिटलजवळ राजर्षी शाहू महाराज यांचा पुतळा उभारण्याचा निर्णय महापालिकेच्या शुक्रवारी झालेल्या सर्वसाधारण बैठकीत घेण्यात आला. शहरातील विविध दलित संघटनांनी बेळगावात शाहू महाराज यांचा पुतळा उभारण्याची मागणी महापौर बसप्पा चिक्कलदिनी यांच्याकडे केली होती.पुतळा उभारण्यासाठी समिती स्थापन केली जाणार असून एक कोटींचा निधी राखीव ठेवण्यात आला आहे. सभागृहाची मुदत संपण्याआधीच पुतळा उभारणी करून त्याचे अनावरण व्हावे, अशी विनंती दीपक जमखंडी यानी केली. शाहू महाराज यांच्या पुतळ्याजवळ त्यांच्या जीवनकार्याची माहिती मराठी व कन्नड भाषेत प्रदर्शित केली जावी. जेणेकरून त्यांचे विचार समाजाला समजतील अशी मागणी नगरसेविका मेघा हळदणकर यांनी केली.