वाडी शाळाबा‘

नागपूर तालुक्यात ७८ शाळाबा‘ बालक

नागपूर तालुक्यात ७८ शाळाबाह्य बालक
सर्वेक्षण : ३६ झोनमध्ये ७४६ अधिकाऱ्यांनी केले कार्य
वाडी : नागपूर तालुक्यात करण्यात आलेल्या सर्वेक्षणात ७८ शाळाबाह्य मुले आढळली. ६ ते १४ वर्ष वयोगटातील ही मुले आहे. राज्यातील एकही बालक शिक्षणापासून वंचित राहू नये तसेच शाळाबाह्य मुलांना शिक्षणाच्या प्रवाहात आणण्यासाठी हे सर्वेक्षण करण्यात आले.
सदर सर्वेक्षण सूक्ष्म सर्वेक्षण असल्याने प्रत्येक गाव, नगरातील घराला भेट देऊन शाळाबाह्य बालकाची माहिती घ्यावयाची होती. त्यादृष्टीने सर्वेक्षण अधिकाऱ्यांनी झोनल अधिकाऱ्यांच्या मार्गदर्शनात प्रत्येक घर, गजबजलेल्या वस्त्या, बसस्थानक, हॉटेल, गावाबाहेरची वस्ती, विटभट्ट्या, स्थलांतरित कुटुंबे, भटक्या जमाती, बालमजूर, झोपडपट्ट्यांसह भीक मागणारी मुले, अल्पसंख्यांक कुटुंब आदी ठिकाणी सर्वेक्षण करण्यात आले. त्यात एकूण ७८ शाळाबाह्य मुलांची नोंद करण्यात येऊन त्यांच्या बोटावर शाई लावण्यात आली.
यासाठी एक समिती तयार करण्यात आली होती. त्यामध्ये उपविभागीय अधिकारी हरीश धार्मिक, खंडविकास अधिकारी राजेश बागडे, नागपूर पंचायत समितीच्या गटशिक्षणाधिकारी विभा चव्हाण, तहसीलदार आशिष वानखडे, नायब तहसीलदार तेजस्विनी जाधव, प्रकल्प अधिकारी शीला मांडवलेकर यांचा समावेश होता. त्यांच्या मार्गदर्शनात ३६ झोनल अधिकारी, ७४६ सर्वेक्षण अधिकाऱ्यांनी सर्वेक्षण केले. ज्येष्ठ शिक्षण विस्तार अधिकारी रामराव मडावी, छाया इंगोले, आनंद राखडे, गुलाब उमाठे, जितेंद्र ठाकरे, झोनल अधिकारी साधना कोलवाडकर, शरद भांडारकर, विजय पिसे, सुरेश अरसडे, स्मिता विसपुते, नंदिनी पोजगे, रेखा कडू, प्रफुल्ल गेडाम, भारती भुरे, प्रतिमा मोटघरे, सीमा फेंडर, विष्णू नांदूरकर, उज्ज्वला लोहकरे, मुरलीधर मस्के आदींनी सहकार्य केले. (प्रतिनिधी)
... चौकट...
झोननिहाय आढळलेली शाळाबाह्य मुले
बाजारगाव ३
गुमथळा १
द्रुगधामणा ३
खरबी २
गोधनी सिम ५
बेलतरोडी ५
खापरी रेल्वे ७
डोंगरगाव ९
बुटीबोरी २१
बोरखेडी ८
दवलामेटी ५
वाडी ९
एकूण ७८
.......