ऑनलाइन लोकमत
नवी दिल्ली, दि. १५ : पंतप्रधान नरेंद्र मोदी यांनी दीर्घ कालावधीनंतर आपल्या मातोश्रींची भेट घेतली. देशाचा कारभार आणि मेक इन इंडियासाठी मोदी बराच काळ देशाबाहेरील कामात व्यग्र असतात. त्यामुळे त्यांचे मातोश्रींशी नेहमी भेटणे होत नाही. म्हणूनच त्यांनी आपली सर्व कामे बाजूला ठेऊन मतोश्रींची भेट घेतली आणि त्यांच्याशी काही वेळ गप्पाही मारल्या.
मायलेकरांच्या या भेटीची छायाचित्रे मोदींनी आपल्या ट्विटर अकाऊंटवरूनही शेअर केली आहेत. मोदी आणि त्यांच्या मोतोश्रीची ही भेट 7 RCR वर झाली, मोदींच्या मोतोश्री आपल्या मुलाला भेटण्यासाठी बंगल्यावर पोहचल्या होत्या. त्या आता गुजरातला रवाना झाल्याचं मोदींच्या ट्विटवरुन समजते.
बाहेरच्या जगात व्यक्ती कितीही मोठा असला. तरी, आईसाठी ती व्यक्ती लहानच असते. तसेच, जगभरातील सर्व पदे, मान, सन्मान हे सर्वच आईच्या मायेपूढे अगदीच तोकडे असते. मात्र, सामाजिक जीवनात व्यक्ती मोठा होत जातो तसतसे त्याचे व्यक्तीगत आयुष्य हळूहळू संपत जाते. त्यातही देशाचे नेतृत्व करणाऱ्या व्यक्तिंच्या बाबतीत हे अधिक होते. पंतप्रधान नरेंद्र मोदी यांच्या बाबतीतही हाच नियम लागू होतो