शहरं
Join us  
Trending Stories
1
'काळजी करू नका; तुम्हाला जे हवे, तेच होणार', पहलगामबाबत राजनाथ सिंह यांचे सूचक विधान
2
कुख्यात नक्षलवाद्याला दहशतवाद विरोधी पथकाने केली अटक, ६-७ वर्षांपासून होता फरार
3
PBKS vs LSG : बॅटिंग-बॉलिंगमध्ये 'सिंग इज किंग शो'; पंतच्या लखनौसमोर श्रेयस अय्यरच्या पंजाबचा 'भांगडा'
4
"...त्यासाठी सुंदर महिलांना अमेरिकेत पाठवा’’, ज्येष्ठ पत्रकाराचा पाकिस्तानला अजब सल्ला, आता होतेय टीका   
5
सीमेवर तणाव, त्यात पाकिस्तानच्या या मित्रदेशाने थेट कराचीला पाठवली युद्धनौका, कारण काय?
6
विमानतळावर उतरताना भिंतीवर आदळले विमान, वैमानिकाने उडी मारून वाचवले प्राण
7
नागपुरात शिंदेसेनेच्या पदाधिकाऱ्याविरोधात विनयभंग, फसवणुकीचा गुन्हा दाखल
8
पाच लग्नं केली, सहाव्याच्या तयारीत होता, पण पीडित पत्नीने घेतली पोलिसांत धाव, पोलिसाचाच कारनामा झाला उघड
9
सेंच्युरी हुकली; फिफ्टी प्लस धावसंख्येसह प्रभसिमरन याने साधला मोठा डाव; गेलच्या विक्रमाशी बरोबरी
10
मोदी पहलगाममधील दहशतवाद्यांना धडा कधी शिकवणार? काँग्रेस नेत्याचा सवाल, राफेलला म्हटलं खेळणं  
11
अजिंक्य रहाणेनं घेतलेला कॅच भारीच! याशिवाय या दोन गोष्टींची रंगली चर्चा (VIDEO)
12
चार पैकी दोन दहशतवादी काश्मिरी, पर्यटकांशी मैत्री केली आणि..., पहलगाम हल्ल्याबाबत सर्वात मोठा गौप्यस्फोट  
13
KKR vs RR : "हम तो डूबे हैं सनम तुम को भी ले डूबेंगे..." गाणं वाजलंच होतं, पण कॅसेट गुंडाळलं अन्...
14
परिवहन मंत्री प्रताप सरनाईक यांनी चालवली रिक्षा
15
IPL 2025 : रियान परागचा मोठा पराक्रम; ६ चेंडूत सलग ६ षटकार मारत सेट केला नवा रेकॉर्ड
16
IND W vs SL W: श्रीलंकेच्या नीलाक्षी दा सिल्वाचं वादळी अर्धशतक; भारताचा तीन विकेट्सने पराभव
17
तेल अवीव विमानतळाजवळ क्षेपणास्त्र हल्ला; दिल्लीहून इस्रायलला जाणारे एअर इंडियाचे विमान वळवले
18
१५ दिवसांपूर्वीच दुकान सुरु केले अन् हल्ल्याच्याच दिवशी गायब झाला; पहलगाममध्ये NIA कडून एकाची चौकशी
19
'आम्हाला मित्रांची गरज आहे, उपदेश देणाऱ्यांची नाही', जयशंकर यांनी युरोपला खडसावले...
20
HSC Result 2025: १२ वीच्या निकालाची प्रतिक्षा संपली; उद्या दुपारी होणार जाहीर, कुठे व कसा पहाल? जाणून घ्या

पाऊस.. दोन

By admin | Updated: February 11, 2015 23:19 IST

कान्होलीबारा

कान्होलीबारा
परिसरात बुधवारी पहाटेच्या सुमारास झालेल्या वादळी पावसामुळे गव्हाचे अतोनात नुकसान झाले आहे. कपाशी पिकापासून निराशा झाल्यानंतर शेतकऱ्यांनी रबी हंगामातील पिकांकडे लक्ष केंद्रीत केले. त्यातच अवकाळी पावसाने हजेरी लावल्याने त्यांच्या मेहनतीवर पुन्हा एकदा निसर्गाने पाणी फेरले आहे.
परिसरात रबी पिके चांगलीच बहरली होती. बुधवारी पहाटेच्या सुमारास अचानक सोसाट्याच्या वादळासह पावसाला सुरुवात झाली. यात गव्हासह अन्य रबी पिकांची नासाडी झाली. त्यामुळे शेतकरी हवालदिल झाला आहे. शासनाने तातडीने पिकांच्या नुकसानीचे सर्व्हेक्षण करून शेतकऱ्यांना आर्थिक मदत करावी, अशी मागणी शेतकऱ्यांची आहे.
तारसा
तारसा परिसरात पहाटे २ वाजताच्या सुमारास जोरदार वादळासह पावसाने हजेरी लावली. या वादळी पावसामुळे शेतातील गहू, हरभरा, तूर या पिकांचे अतोनात नुकसान झाले. शेतात लावलेल्या धानाच्या गंज्या भिजल्याने शेतकऱ्यांचे नुकसान झाले आहे.
परिसरातील तारसा, इसापूर, कुंभारी, नवेगाव, आष्टी, बारसी, सालवा, यसंभा, मांगली, सावरगाव, चाचेर, नेरला, नंदापुरी, दुधाळा, बानोर, निमखेडा, पारडी, कलापार्डी, धनी, विरसी, गांगनेर, खंडाळा आदी गावात जोरदार वादळी पावसाच्या सरी कोसळल्या. त्यामुळे शेतातील गव्हाला पूर्णपणे वारा लागल्याने गव्हाचे उत्पादन काळवंडण्याची चिन्हे निर्माण झाली आहेत. आधीच नैसर्गिक संकटाच्या कचाट्यात सापडलेल्या शेतकऱ्यांसमोर या अवकाळी पावसामुळे नवे संकट उभे ठाकले आहे. शासनाने पिकांचे सर्व्हेक्षण करून नुकसानभरपाई द्यावी, अशी शेतकऱ्यांची मागणी आहे.
धामणा
बुधवारी पहाटे ३ वाजेपासून या परिसरात जोरदार वादळी पावसाने हजेरी लावल्यामुळे शेतकऱ्यांचे मोठ्या प्रमाणात नुकसान झाले आहे.
मध्यरात्रीनंतर अचानक वादळास सुरुवात झाली. काही वेळानंतर पावसाच्या सरी कोसळल्या. त्यामुळे गहू, हरभरा, टमाटर, संत्रा आदी पिकांसह भाजीपाल्याची नासाडी झाली. धामणा, शिरपूर (भुयारी), पेठ, सातनवरी, बाजारगाव, व्याहाड, नेरी आदी गावातील शेतकऱ्यांचे मोठ्या प्रमाणात नुकसान झाले आहे. या वादळी पावसाचा गव्हाला सर्वाधिक फटका बसला असल्याचे शेतकऱ्यांनी सांगितले. धामणा येथील शेतकरी धनराज टोंगे यांच्या शेतातील संपूर्ण गहू जमीनदोस्त झाला. पंचायत समिती कृषी विभागाचे विष्णू आदमने, कृषी पर्यवेक्षक कानगो, कृषी सहायक श्रीप्रकाश टोंगसे व तलाठी नारायणे आदीनी शेतकऱ्यांच्या पिकांची पाहणी केली. यात ५० टक्के पिकांचे नुकसान झाले असल्याचे अधिकाऱ्यांनी सांगितले. शासनाने शेतकऱ्यांना नुकसानभरपाई द्यावी, अशी मागणी आहे.