पान ४- घरफोड्यातील दोघा चोरांना अटक

मडगाव : दक्षिण गोव्यात अनेक ठिकाणी झालेल्या घरफोडीत हात असलेल्या भटकळ येथील ख्वाजा अब्दूल व मेहबूब शेख या दोघा कुख्यात चोरांना पकडण्यात मडगाव पोलिसांना यश आले असून या दोघा चोरांना मडगाव पोलिसांनी भटकळ येथून शिताफीने अटक केली.
या चोरांचा दक्षिण गोव्यात झालेल्या अनेक घोरफोड्यांशी हात असल्याचा पोलिसांना संशय असून मडगाव पोलिसांनी भटकळ येथून ताब्यात घेतले. या चोरांनी दोन महिन्यांपूर्वी राय येथे झालेल्या घरफोडीत हात असल्याचे मान्य केले. त्यामुळे पोलीस या चोरांचा इतर कोणत्या घरफोड्यात हात आहे याचा तपास करीत आहेत. गेल्या काही महिन्यांपासून दक्षिण गोव्यात अनेक ठिकाणी झालेल्या घरफोड्यात चोरट्यांनी लाखो रुपयांचा ऐवज लांबविला होता. या चोरांनी पोलिसांच्या नाकात दम आणला होता. या घरफोड्याच्या घटनांत भटकळातील चोरांच्या टोळीचा हात असल्याचा पोलिसांना संशय होता. त्या दृष्टीने पोलिसांनी तपास सुरू केला होता. पोलिसांना भटकळातील ख्वाजा अब्दूल व मेहबूब शेख या चोरांचा हात असल्याचा सुगावा लागताच मडगाव पोलिसांच्या दलाने भटकळात जाऊन त्या चोरांच्या मुसक्या आवळल्या. दरम्यान, पोलीस उपनिरीक्षक कमलाकर कोठारकर, पोलीस शिपाई सावळो नाईक व सुभाष नाईक यांनी या चोरांना भटकळहून अटक केली. (प्रतिनिधी)

ढँङ्म३ङ्म : 2107-टअफ-06
कॅप्शन: घरफोडीत सहभाग असलेल्या पकडलेल्या चोरांसह मडगाव पोलीस. ( छाया: अरविंद टेंगसे)