७७२ पैकी ३९७ ग्राम पंचायतीत महिला राज -१

७७२ पैकी ३९७ ग्राम पंचायतीत महिला राज
महिला सरपंच पदाचे आरक्षण जाहीर :

नागपूर :
नागपूर जिल्ह्यातील एकूण ७७२ ग्रामपंचायतींपैकी तब्बल ३९७ ग्राम पंचायतींच्या सरपंचपदी महिला विराजमान होतील. जिल्ह्यातील सरपंचपदाच्या महिला आरक्षणाची सोडत शुक्रवारी पार पार पडली.
अतिरिक्त जिल्हाधिकारी कादंबरी भगत यांच्या अध्यक्षतेखाली ही सोडत पार पडली. यात एकूण ७७२ ग्रामपंचायतींपैकी ३९७ ग्राम पंचायती महिला सरपंचासाठी आरक्षित करण्यात आल्या आहेत. यामध्ये अनुसूचित जातीसाठी एकूण १३७ पैकी ७१ ग्रामपंचायती महिलांसाठी राखीव ठरल्या. अनुसूचित जमातीसाठी राखीव असलेल्या ९७ पैकी ग्राम पंचायतींपैकी ५२ ग्राम पंचायती महिलांसाठी राखीव, नागरिकांचा मागास प्रवर्गासाठी असलेल्या २०८ पैकी १०७ ग्रामपंचायती महिलांसाठी राखीव तर सर्वसाधारण गटामध्ये एकूण ३३० जागांपैकी १६७ जागा महिलांसाठी राखीव करण्यात आल्या आहेत.
तालुकानिहाय विचार केला असता काटोल तालुक्यातील एकूण ८३ ग्रामपंचायतींपैकी अनुसिूचत जातीसाठी (७), अनुसिूचत जमातीसाठी (६) नामाप्रसाठी (११) आणि सर्वसाधारणसाठी १८ जागा महिलांसाठी आरक्षित झाल्या आहेत. नरखेड तालुक्यात अ. जाती (६), अ. जमाती (४), नामाप्र (१०), सर्वसाधारण (१६), सावनेर- अ. जाती (८), अ. जमाती (४), नामाप्र (१०), सर्वसाधारण (१६), कळमेश्वर - अ.जाती (४), अ. जमाती (३), नामाप्र (७), सर्वसाधारण (१२), रामटेक - अ.जाती (३), अ. जमाती (१०), नामाप्र (६), सर्वसाधारण (५), पारशिवनी - अ.जाती (४), अ. जमाती (३), नामाप्र (७), सर्वसाधारण (१२), मौदा - अ.जाती (४), अ. जमाती (२), नामाप्र (९), सर्वसाधारण (१७), कामठी - अ.जाती (५), अ. जमाती (२), नामाप्र (७), सर्वसाधारण (११), उमरेड - अ.जाती (५), अ. जमाती (४), नामाप्र (७), सर्वसाधारण (९), भिवापूर - अ.जाती (६), अ. जमाती (५), नामाप्र (८), सर्वसाधारण (१०),कुही - अ.जाती (६), अ. जमाती (२), नामाप्र (८), सर्वसाधारण (१५), नागपूर (ग्रामीण) - अ.जाती (८), अ. जमाती (४), नामाप्र (९), सर्वसाधारण (१४), हिंगणा - अ.जाती (५), अ. जमाती (४), नामाप्र (८), सर्वसाधारण (१२) याप्रमाणे महिलांसाठी आरक्षण जाहीर झाले आहे.