ऑनलाइन लोकमत
अहमदाबाद, दि. २९ - जगातील सर्व समस्यांवरील उपाय फक्त हिंदू धर्माकडेच आहे असा दावा भाजपाध्यक्ष अमित शहा यांनी केला आहे. हिंदू म्हणून जन्मल्याने मी हे विधान करत नाहीये असंही त्यांनी नमूद केले आहे.
गुजरात विद्यापीठात माजी राष्ट्रपती ए पी जे अब्दुल कलाम यांच्या एका पुस्तकाचे प्रकाशन पार पडले. या कार्यक्रमात अमित शहादेखील उपस्थित होते. सोहराबुद्दीन बनावट चकमक प्रकरणानंतर अमित शहांना दोन वर्ष गुजरातमध्ये प्रवेश बंदी होती. त्या दोन वर्षाच्या कठीण काळात मी भारतातील सर्व ज्योतिर्लिंग आणि शक्तिपीठांचे दर्शन घेतले असे अमित शहांनी सांगितले. देवाने आशीर्वाद दिल्याने मी त्या कठीण परिस्थितून बाहेर पडू शकलो, हिंदू धर्मात प्रत्येक समस्येवर उपाय असतो असे अमित शहांनी सांगितले.