(निनाद) एसटी बसच्या धडकेने वृद्धाचा मृत्यू

बसचालकाला अटक : संतप्त जमावाने केली तोडफोड
चाकण : बसस्थानकात भरधाव वेगाने वळणार्‍या एसटीची धडक बसल्यामुळे एका वृद्धाचा जागीच मृत्यू झाला. ही घटना चाकण बसस्थानकात घडली. घटनेनंतर संतप्त तरुणांनी एसटी. बसच्या काचा फोडून नुकसान केले. या प्रकरणी बसचालकावर गुन्हा दाखल करण्यात आला असून, तो फरार आहे.
बबनराव ऊर्फ आनंदराव गणपतराव सोनवणे (वय ८०, रा. ब्राšाण आळी, माणिक चौक, चाकण, ता. खेड, जि. पुणे) असे मृत वृद्धाचे नाव आहे. एसटी बसचालक ज्ञानेश्वर अरगडे यास पोलिसांनी उशिरा अटक केली. याप्रकरणी कालिदास वसंतराव सोनवणे (वय ३१, रा. चाकण) यांनी चाकण पोलीस ठाण्यात फिर्याद दिली आहे.
पोलिसांनी दिलेल्या माहितीनुसार चाकण बसस्थानकात सोमवारी (दि. ६) भोरगिरीहून बोरीवलीला जाणारी बस बसस्थानकातून दुपारी २ वाजता चाकण बसस्थानकात भोरगिरीहून बोरीवली मुंबईकडे जाणारी एसटी भरधाव वेगाने चाकण बसस्थानकातून निघाली. या वेळी स्थानकातून जाणारे बबनराव सोनवणे या गाडीच्या मागच्या चाकाखाली आले. यामुळे त्यांचा जागीच मृत्यू झाला. या वेळी संतप्त जमावाने बसचे व वाहतूक नियंत्रण कक्षाचे नुकसान केले. संतप्त जमावाला पोलिसांनी वेळीच शांत केले. बबनराव सोनवणे आझाद मित्र मंडळाचे कार्यकर्ते होते. अण्णा या नावाने ते ओळखले जात. त्यांच्या मागे पत्नी, चार मुले, चार मुली, सुना, जावई, नातवंडे, पतवंडे असा परिवार आहे. चाकण ग्रामपंचायतीचे सदस्य कृष्णा सोनवणे, उद्योजक राजू सोनवणे, चक्रेश्वर मित्रमंडळाचे अध्यक्ष जीवन सोनवणे, बाबा सोनवणे यांचे ते वडील होत.
सोनवणे यांच्या निधनामुळे परिसरातील व्यवसाय बंद ठेवण्यात आले होते. पुढील तपास पोलीस निरीक्षक दगडू पाटील यांच्या मार्गदर्शनखाली पोलीस हवालदार लांडे करीत आहेत.

फोटो : अपघातानंतर एसटी बसचे संतप्त जमावाने केलेले नुकसान व जमलेला जनसमुदाय. (हनुमंत देवकर)