ऑनलाइन लोकमत -
नवी दिल्ली, दि. २५ - दिल्लीचे मुख्यमंत्री अरविंद केजरीवाल यांना ट्विटरवर फॉलो करणा-यांमध्ये आता पंतप्रधान नरेंद्र मोदींचादेखील समावेश झाला आहे. पंतप्रधान नरेंद्र मोदींसोबत फारकत घेणा-या अरविंद केजरीवाल यांनी मोदींना ट्विटरवरुन होळीच्या शुभेच्छा देत फॉलो केल्याबद्द्ल धन्यवाद मानले. तसंच दिल्ली आणि केंद्र सरकार भविष्यात एकमेकाला सहकार्य करुन काम करतील अशी आशाही व्यक्त केली.
अरविंद केजरीवाल यांचे ट्विटरवर 7 लाख फॉलोअर्स आहेत. सर्वात जास्त फॉलो केले जाणा-या राजकारणा-यांमध्ये त्यांचा दुसरा क्रमांक आहे. तर 20 लाख फॉलोअर्ससहित पहिल्या क्रमांकावर असणा-या अमिताभ बच्चन यांच्यानंतर भारतात सर्वात जास्त फॉलो केले जाणा-यांमध्ये मोदींचा दुसरा क्रमांक लागतो. मोदींचे ट्विटरवर 18 लाख फॉलोअर्स आहेत तर मोदी स्वत: 1400 जणांना फॉलो करतात. जगभरातील राजकारण्यांबद्दल बोलायला गेलं तर अमेरिकेचे राष्ट्राध्यक्ष बराक ओबामा यांच्यानंतर मोदींचा दुसरा क्रमांक लागतो.
.@narendramodi Sir, thank u for following me. Happy Holi. आज गिले शिकवे भूलने का दिन है। Hope better Centre-Delhi cooperation in future— Arvind Kejriwal (@ArvindKejriwal) March 24, 2016