बलात्कारप्रकरणी नारायण साईवर आरोप निश्चित

सुरत: स्थानिक न्यायालयाने स्वयंभु आध्यात्मिक गुरू आसारामबापूचा मुलगा नारायण साई आणि त्याच्या नऊ साथीदारांविरुद्ध मंगळवारी एका बलात्कारप्रकरणी आरोप निश्चित केले.
अतिरिक्त जिल्हा व सत्र न्यायालयाचे न्यायाधीश एच.एस.मुलिया यांनी साई व त्याच्या साथीदारांविरुद्ध बलात्कार,अनैसर्गिक संबंध, छेडखानी, ओलीस ठेवणे, धमकी आणि गुन्हेगारी कटकारस्थानाशी संबंधित भांदविच्या कलमान्वये आरोप निश्चित केले असून पुढील सुनावणी १ सप्टेंबरला होईल. नारायण साई डिसेंबर २०१३ पासून कारागृहात आहे.
४३ वर्षीय साईला २००२ ते २००५ या कालावधीत त्याच्या आश्रमात थांबलेल्या एका महिलेवर लैंगिक अत्याचाराच्या आरोपात अटक करण्यात आले आहे. (वृत्तसंस्था)