वॉशिंग्टन : भारतासाठी स्वतंत्र शाखेची घोषणा करणारी अल-काईदा ही दहशतवादी संघटना पंतप्रधान नरेंद्र मोदी यांची इस्लामचे शत्रू अशी प्रतिमा तयार करू इच्छिते, असे सांगून अमेरिकेतील प्रसिद्ध दहशतवाद प्रतिबंधक तज्ज्ञाने भारताने हा धोका अधिकाधिक गांभीर्याने घ्यावा, असा सल्ला शुक्रवारी दिला.
अल-काईदा नेता अयमन अल जवाहिरीचा या वर्षातील हा पहिलाच व्हिडिओ असून तो गांभीर्याने घ्यायला हवा. अल-काईदा पंतप्रधान मोदी यांची ‘इस्लामचे शत्रू’ अशी प्रतिमा बनवू इच्छिते, असे अमेरिकी गुप्तचर संघटना सीआयएचे माजी विश्लेषक ब्रूस रिडेल यांनी वृत्तसंस्थेला सांगितले. पाकिस्तानात तळ असण्यासह लष्कर-ए-तोईबाशी असलेल्या संबंधांमुळे ही संघटना भारतासाठी अत्यंत धोकादायक ठरू शकते, असे रिडेल म्हणाले. भारताने अमेरिका व अफगाणिस्तानसोबतचे दहशतवाद प्रतिबंधक सहकार्य वाढवायला हवे, असेही ते म्हणाले. (वृत्तसंस्था)
4नवी दिल्ली : अल-काईदासारख्या दहशतवादी संघटनांचा सामना करण्यासाठी देश पूर्णपणो सज्ज असल्याचे भारतीय हवाई दलप्रमुख अरूप राहा यांनी येथे म्हटले आहे.
4अशा संघटनांकडून धोका असला तरी, देश त्यांच्याशी लढत द्यायला पूर्णपणो सज्ज आहे, असे प्रतिपादन त्यांनी केले. ते 1965 मध्ये झालेल्या युद्धात हवाई दलाच्या भूमिकेवर आयोजित एका संमेलनात बोलत होते.