ऑनलाइन लोकमत
रायबरेली, दि. ३१ - 'नरेंद्र मोदी हे देशाचे फक्त पंतप्रधान आहेत, शहेनशहा नव्हेत' अशा शब्दांत काँग्रेस अध्यक्ष सोनिया गांधींनी मोदींवर हल्ला चढवला. मोदी सरकार सत्तेवर येऊन २६ मे रोजी दोन वर्ष पूर्ण झाल्याच्या निमित्ताने राजधानी दिल्लीतील इंडिया गेट येथे एका भव्य कार्यक्रमाचे आयोजन करण्यात आले होते. त्याच सोहळ्यावर टीका करताना सोनिया गांधीनी पंतप्रधानांवरही हल्ला चढवाल.
' मी असा प्रकार (सोहळा) कधीच पाहिला नाही. देशातील अनेक राज्यांमध्ये पडलेल्या दुष्काळामुळे शेतकरी त्रस्त झाले आहेत, ते आत्महत्या करत आहेत. आणि अशी परिस्थिती असतानाच दुसरीकडे सरकारने दोन वर्ष पूर्ण केल्याचा आनंदोत्सव साजरा केला जात. आपण पंतप्रधान आहोत, राजा नव्हे हे मोदींनी लक्षात ठेवले पाहिजे' अशी टीका सोनिया गांधी यांनी केली.
I've never seen anything like this, Modi ji is a PM not a shehenshah: Sonia Gandhi in Raebareli on #2YearsOfModiGovtpic.twitter.com/KmYlJOQfmn— ANI UP (@ANINewsUP) May 31, 2016
दरम्यान यावेळी त्यांनी जावई रॉबर्ट वद्रा यांच्यावर झालेल्या आरोपप्रकरणीही वक्तव्य केले. ' हा प्रकार म्हणजे काँग्रेसमुक्त भारतासाठीचे भारतीय जनता पक्षाने रडलेले एक षडयंत्र, कट आहे. भाजपा नेते रोज नवनवीन प्रकरणे पुढे आणतात आणि आरोपांच्या फैरी झाडतात. त्यांच्याकडे जर काही पुरावे असतील तर त्या पुराव्यांची कोणतीही भेदभाव न करता चौकशी व्हावी व आपले म्हणणे (त्यांनी) सिद्ध करावे' असेही सोनिया यांनी म्हटले.
शस्त्रास्त्र डीलर संजय भंडारीच्या व्यवहारांच्या चौकशीमध्ये त्याचे काँग्रेस अध्यक्ष सोनिया गांधींचे जावई रॉबर्ट वद्रांशी संबंध असल्याचे समोर आले आहे. आयकर खात्याने संजय भंडारीचे व्यवहार तपासले त्यातून ही बाब समोर आली. मध्य लंडनमधील एका घराच्या खरेदीशी रॉबर्ट वद्रा यांचे नाव जोडले जात आहे.
"PM ek PM hain, koi shehenshah nahin", says Cong Pres. Sonia Gandhi on #2YearsOfModiGovt celebrationshttps://t.co/13u92cXdgy— ANI (@ANI_news) May 31, 2016