ऑनलाइन लोकमत
नवी दिल्ली, दि. १ - भारतीय मुसलमानांना स्वत:ची ओळख, सुरक्षा, शिक्षण व सशक्तीकरण करण्यात अपयश येत असून केंद्रातील मोदी सरकारने मुस्लिम समाजासोबतच्या भेदभावाची चुक सुधारावी असे विधान उप राष्ट्रपती हमिद अन्सारी यांनी केले आहे.
मुस्लिम संघटनांची शिखर संघटना असलेल्या ऑल इंडिया मजलिस ए मुशावरत या संस्थेच्या सुवर्ण महोत्सवी वर्षानिमित्त आयोजित कार्यक्रमात हमीद अन्सारी यांनी मुस्लिमांच्या समस्यांवर भाष्य केले. मुसलमानांना भेडसावणा-या समस्या सरकारने गंभीरतेने घेण्याची गरज असून या समस्या सोडवण्यासाठी सरकारने सकारात्मक पाऊल उचलावे असेही त्यांनी म्हटले आहे. मोदी सरकारने सबका साथ सबका विकासच्या धर्तीव मुस्लिमांची ओळख व सुरक्षा मजबूत करण्यावर भर द्यावे असेही त्यांनी म्हटले आहे. सक्षमीकरण, राजकीय व निर्णय प्रक्रियेत समान वाटा मिळणे हा मुस्लिमांचा हक्क असून यासाठी सरकारने नवीन धोरण व कार्यपद्धतीचा विकास करावा अशी मागणीही त्यांनी कली.