बुद्ध्यांंक चाचणीत लिडिया सर्वप्रथम

भारतीय वंशाच्या लिडिया सबॅस्टियन (१२) या विद्यार्थिनीने मेन्सा बुद्ध्यांक (आयक्यू) चाचणीमध्ये सर्वाधिक १६२ गुण मिळवून प्रसिद्ध शास्त्रज्ञ अल्बर्ट

लंडन : भारतीय वंशाच्या लिडिया सबॅस्टियन (१२) या विद्यार्थिनीने मेन्सा बुद्ध्यांक (आयक्यू) चाचणीमध्ये सर्वाधिक १६२ गुण मिळवून प्रसिद्ध शास्त्रज्ञ अल्बर्ट आइन्स्टाईन व स्टीफन हॉकिंग यांनाही मागे टाकले आहे. उच्च बुद्धिमत्तेच्या लोकांच्या मेन्सा या संस्थेने ही चाचणी घेतली होती. लिडियाने ही चाचणी दिलेल्या एकूण स्पर्धकांपैकी कॅटल थ्री बी पेपरमध्ये अवघ्या १ टक्का स्पर्धकांनी सर्वाधिक गुण मिळविले. लिडियाने एक मिनिट शिल्लक ठेवून पेपर सोडविला. येथील बर्कबेक कॉलेजमध्ये ही परीक्षा घेण्यात आली. लिडिया म्हणाली की, ‘अगदी सुरुवातीली मी काळजीत पडले होते; परंतु एकदा प्रश्न सोडवायला सुरुवात करताच मी अपेक्षेपेक्षाही जास्त मोकळेपणाचा अनुभवला.’ (वृत्तसंस्था)