माधव गाडगीळ यांचे आज माशेल येथे व्याख्यान

कुंभारजुवे : शिक्षक दिनाचे औचित्य साधून माशेल येथील शारदा इंग्लिश हायस्कूलच्या पालक-शिक्षक संघटनेतर्फे पर्यावरणतज्ज्ञ प्रा. माधव गाडगीळ यांचे ‘जैवविविधता कायदा’ विषयावर व्याख्यान आयोजिले आहे. येथील देवकीकृष्ण सभागृहात शनिवार, दि. 5 रोजी सकाळी 9.30 वाजता व्याख्यानास सुरुवात होईल. त्यानंतर पर्यावरणविषयक चर्चासत्रातही प्रा. गाडगीळ भाग घेतील, असे पालक-शिक्षक संघटनेच्या सचिव आर. मेंडोसा यांनी कळविले आहे.