लोकमत ऑनलाइन
पाटणा, दि. २१ - सध्या बिहार विधानसभा निवडणुकीचे वातावरण चांगलेच रंगताना दिसत आहे. प्रत्येक पक्षातील दिग्गज नेत्यांनी या निडणुकीत उडी घेतली आहे.
काल बिहार विधानसभा निवडणुकीची रणनिती आखण्यासाठी भाजप अध्यक्ष अमित शाह हे पाटणात दाखल झाले आहेत. कालरात्री सव्वा अकराच्या दरम्यान अमित शहा यांनी भाजपच्या नेत्यांशी चर्चा केल्यानंतर येथील स्टेट गेस्ट हाऊसच्या लिफ्टमध्ये सुमारे अर्धा तास अडकल्याने एकच गोंधळ उडाला. त्यांना सीआरपीएफच्या जवानांना बोलावून सुरक्षितपणे बाहेर काढण्यात आले.
यावर राष्ट्रीय जनता दलाचे अध्यक्ष लालूप्रसाद यादव यांनी विरोधी नेते असलेल्या अमित शहा यांच्याविषयी बोलताना, त्यांनी अमित शहा यांच्यासारख्या जाड्या माणसांने लिफ्टमधून जायचेच कशाला, बिहारमधील लिफ्टची साईज कमी कमी आहे, असा आपल्या शैलीत टोला हाणला.
बिहार विधानसभा निडणुकीत लालूप्रसाद यादव आणि जेडीयूचे प्रमुख नितीशकुमार यांच्यासह भाजप, कॉंग्रेसच्या दिग्गज नेत्यांनी जोरदार तयारी सुरु केली आहे.