कर्नाटकच्या चिक्कमगलुरु जिल्ह्यातील चंद्रद्रोणा पर्वतरांगेतील माणिक्यधारा धबधब्याजवळून बेपत्ता झालेल्या मुलीचा मृतदेह पोलिसांनी अखेर शोधून काढला आहे. गेल्या तीन दिवसांपासून बेपत्ता असलेल्या श्रीनंदा या १४ वर्षीय मुलीचा मृतदेह २००० फूट खोल दरीत सापडला. ती ७ एप्रिल रोजी बेपत्ता झाली होती.
मिळालेल्या माहितीनुसार, श्रीनंदा ही केरळमधून आलेल्या ४० पर्यटकांच्या एका ग्रुपचा भाग होती. हा ग्रुप ७ एप्रिल रोजी चिक्कमगलुरु येथे पोहोचला होता आणि इनामु दत्तात्रेय पीठ तसेच माणिक्यधारा धबधबा पाहण्यासाठी गेला होता. याच दरम्यान श्रीनंदा अचानक बेपत्ता झाली. बराच वेळ शोध घेऊनही ती न सापडल्याने कुटुंबीयांनी स्थानिक पोलिसांना माहिती दिली, त्यानंतर मोठ्या प्रमाणावर शोधमोहीम सुरू करण्यात आली.
शोधमोहिमेत ड्रोन आणि थर्मल कॅमेऱ्यांचा वापर
मुलीचा शोध घेण्यासाठी एसडीआरएफ (SDRF), अग्निशमन विभाग, स्थानिक पोलीस आणि एएनएफ (ANF) च्या पथकांनी संयुक्त मोहीम राबवली होती. चंद्रद्रोणा पर्वतरांगेतील दाट जंगल आणि दुर्गम डोंगराळ भाग शोधमोहिमेत मोठं आव्हान ठरत होतं. खोल दऱ्या आणि दाट जंगलात तपास करण्यासाठी पथकांनी ड्रोन आणि थर्मल कॅमेऱ्यांचाही वापर केला.
तीन दिवसांनंतर आढळला मृतदेह
सलग तीन दिवस चाललेल्या शोधमोहिमेनंतर, आज माणिक्यधारा परिसरातील सर्वात खोल दरीत श्रीनंदाचा मृतदेह सापडला. तिचा मृतदेह तब्बल २००० फूट खाली खडकांमध्ये अडकला होता. बचाव पथकाने अत्यंत कष्टाने हा मृतदेह बाहेर काढला.
मुलगी चुकून पाय घसरून दरीत पडली की यामागे आणखी काही वेगळं कारण आहे, याचा तपास पोलीस करत आहेत. पोलिसांनी मृतदेह शवविच्छेदनासाठी पाठवला असून, अहवाल आल्यानंतरच मृत्यूचं नेमकं कारण स्पष्ट होईल.
Web Summary : A 14-year-old girl, part of a tourist group visiting a waterfall in Karnataka, was found dead after being missing for three days. Her body was recovered from a 2000-foot deep ravine. Police are investigating the cause of death.
Web Summary : कर्नाटक में झरने देखने गए पर्यटकों के एक समूह से 14 वर्षीय लड़की तीन दिन से लापता थी, वह मृत पाई गई। उसका शव 2000 फीट गहरी खाई से बरामद किया गया। पुलिस मौत के कारणों की जांच कर रही है।