गडहिंग्लजच्या हाळलक्ष्मीची यात्रा उत्साहात

गडहिंग्लज :
गडहिंग्लजचे ग्रामदैवत असणार्‍या श्री हाळलक्ष्मी देवीची यात्रा उत्साहात पार पडली. संग्रामसिंह कदम व श्वेता कदम यांच्याहस्ते महाअभिषेक व पूजाविधी झाला. दुपारी नारायण कदम व जितेंद्र कोरी यांच्यासह सहकार्‍यांनी प्रसाद वाटप केले. सुमारे पाच हजार भाविकांनी महाप्रसादाचा लाभ घेतला.
यानिमित्त श्री हाळलक्ष्मी व वडरगेच्या गोसावीनाथांच्या पालख्यांची भेट झाली. गणेश मंडळातर्फे घोडा पळविणे, टांगा घोडा व घोडागाडी शर्यती झाल्या. यात्रेच्या यशस्वीतेसाठी कुंभार, धनगर, नेवडे, पनोरे, भाट, गोंधळी, गोसावी समाजासह देवस्थानचे पदाधिकारी व विश्वस्त, वाचनालय, महिला बचत गट, नगरपरिषद व बड्याचीवाडी ग्रामपंचायतीने विशेष परिश्रम घेतले. (प्रतिनिधी)