ऑनलाइन लोकमत
जम्मू-काश्मीर, दि. 23 - पाकिस्तानकडून करण्यात आलेल्या गोळीबारात जखमी झालेला सीमा सुरक्षा दलाचा जवान गुरुनाम सिंह शहीद झाला.
जम्मू - काश्मीरमधील कथुआ जिल्ह्यामध्ये प्रत्यक्ष नियंत्रण रेषेवर पाकिस्तानकडून शुक्रवारी शस्त्रसंधीचे उल्लंघन करून, प्रत्यक्ष नियंत्रण रेषेवर गोळीबार करणाऱ्या पाकिस्तानी सैन्याला भारतीय सीमा सुरक्षा दलाच्या जवानांनी प्रत्युत्तर देत अद्दल घडवली. त्यांच्या गोळीबाराला भारतीय जवानांनी जोरदार प्रत्युत्तर दिल्याने सात पाकिस्तानी रेंजर्स ठार झाले आणि सीमा पार करून भारतात घुसू पाहणाऱ्या एका दहशतवाद्याचा खात्मा केला.
मात्र, पाकिस्तान सैन्याकडून झालेल्या या गोळीबारात सीमा सुरक्षा दलाचा जवान गुरुनाम सिंह गंभीररीत्या जखमी झाला. त्यानंतर त्याला उपचारासांठी सरकारी मेडिकल कॉलेज आणि हॉस्पिटलमध्ये ठेवण्यात आले असता शनिवारी रात्री पावणे बाराच्या सुमारास अखेर त्याचा मृत्यू झाला.