(महत्त्वाचे) गोदातीरी उद्यापासून सिंहस्थ कुंभपर्व

नाशिक : गोदातीरी मंगळवारपासून सिंहस्थ कुंभपर्व सुरू होत आहे. मंगळवारी सकाळी ६ वाजून १६ मिनिटांनी गुरू आणि रवि, सिंह राशीत प्रवेश करतील. मंगळवारी नाशिक-त्र्यंबकेश्वर येथे ध्वजारोहणाने सिंहस्थपर्वाची तुतारी फुंकली जाईल.
सोमवारी नाशिक व त्र्यंबकेश्वर येथे शोभायात्रा निघणार आहेत, तर मंगळवारी सकाळी दोन्ही ठिकाणी पुरोहित संघामार्फत ध्वजारोहण सोहळ्यांचे आयोजन करण्यात आले आहे.
नाशिक व त्र्यंबकेश्वरमध्ये २९ ऑगस्टला प्रथम शाहीस्नान होईल. त्यानंतर मुख्य पर्वकाळातील द्वितीय शाहीस्नान १३ सप्टेंबरला त्यानंतर १९ ला नाशिक व २५ सप्टेंबरला त्र्यंबकेश्वरला तृतीय शाहीस्नान होईल. (प्रतिनिधी)
---------------------------
फोटो - १२एनएसके-गोदावरी
--------------------------

झळाळला गोदाघाट : नाशिकमध्ये मंगळवारी सकाळी ६ वाजून १६ मिनिटांनी होणार्‍या ध्वजारोहणाने सिंहस्थ कुंभपर्वास प्रारंभ होणार आहे. त्यापार्श्वभूमीवर रविवारी सायंकाळी विद्युत रोषणाईने उजळून निघालेला रामकुंड आणि गोदाघाट परिसर. (छायाचित्र- प्रशांत खरोटे)