ऑनलाइन लोकमत
मुंबई, दि. 8- आजकाल कुठलाही डे साजरा करण्याकडे सगळ्यांचा कल आहे. फादर्स डे, मदर्स डे, व्हेलेंटाइन्स डे असे डेज आपण सगळेच हमखास साजरे करतो आहे. या खास दिवशी गिफ्टसुद्धा तितक्याच आवडीने दिले जातात. हे दिवस आपल्याला नीट साजरे करता यावे यासाठी बाजारातही वस्तूंच्या विक्रीवर वेगवेगळ्या ऑफर्स दिल्या जातात. ऑनलाईन शॉपिंगकडे ग्राहकांचा कल बघता ऑनलाइन शॉपिंग साइट्सवर तर भरघोस ऑफर्स दिल्या जातात.
अशीच एक खास ऑफर फ्लिपकार्ट ग्राहकांसाठी घेऊन आलं आहे. १८ जून रोजी असणाऱ्या ‘फादर्स डे’च्या निमित्ताने फ्लिपकार्टने खास ऑफर जाहीर केली आहे. यामध्ये आयफोन 6 (16 जीबी) हा मोबाईल कमी किंमतीत मिळणार आहे. 2_,999 इतकी या मोबाईलची किंमत असेल असं जाहीर कऱण्यात आलं आहे. पण नेमकी किंमत कंपनीने गुलदस्त्यात ठेवली आहे. सध्या फ्लिपकार्टवर हा फोन २४,९९० रुपयांना उपलब्ध असून फादर्स डेच्या निमित्ताने तो त्याहूनही कमी किंमतीला उपलब्ध होणार आहे. ८ जून ते १० जून रोजी ही ऑफर उपलब्ध आहे. ऑफरमध्ये किंमत किती असेल हे लवकरच फ्लिपकार्टकडून जाहीर केलं जाणार आहे.
याशिवाय आयफोन 6 (३२ जीबी) 24,990 रुपयांना उपलब्ध आहे. तसंच आपल्याकडील जुना फोन देऊन हा फोन घेतल्यास त्यावरही कंपनीकडून सूट देण्यात येते आहे. ईएमआयवर हा फोन घेतल्यास ग्राहकाला दर महिन्याला ४,१६५ रुपये भरावे लागणार आहेत. त्यामुळे फादर्स डेच्या दिवशी आपल्या वडिलांना खास भेटवस्तू देऊन हा दिवस साजरा करायचा असणाऱ्यांसाठी ही नक्कीच चांगली संधी ठरणार आहे