वासुंदेत स्वातंत्र्यदिन उत्साहात
By admin | Updated: August 18, 2015 21:37 IST
वासुंदे : वासुंदे (ता. दौंड) परिसरातील हिंगणीगाडा, रोटी येथे स्वातंत्र्यदिनानिमित्त विविध कार्यक्रमांचे आयोजन करण्यात आले होते.
वासुंदेत स्वातंत्र्यदिन उत्साहात
वासुंदे : वासुंदे (ता. दौंड) परिसरातील हिंगणीगाडा, रोटी येथे स्वातंत्र्यदिनानिमित्त विविध कार्यक्रमांचे आयोजन करण्यात आले होते. वासुंदे येथील जिल्हा परिषद प्राथमिक शाळा व श्री गुरुकृपा माध्यमिक विद्यालयाच्या संयुक्त विद्यमाने विद्यार्थ्यांची गावातील प्रमुख मार्गावरून प्रभातफेरी काढण्यात आली. या वेळी भारतमाता की जय, वंदे मातरम् आदी घोषणांनी संपूर्ण परिसर दुमदुमून गेला होता. वासुंदे ग्रामपंचायत कार्यालयासमोरील ध्वजारोहण गावच्या उपसरपंच मनीषा जांबले, तलाठी कार्यालयाचे ध्वजारोहण ग्रामपंचायत सदस्य दिलीप जगताप, श्री गुरुकृपा विद्यालयाचे ध्वजारोहण कमांडर विक्रम जगताप व जिल्हा परिषद शाळेतील ध्वजारोहण सरपंच मीना जांबले यांच्या हस्ते करण्यात आले.यानंतर जिल्हा परिषद प्राथमिक शाळेच्या क्रीडांगणावर विद्यार्थ्यांच्या सामूहिक कवायतीने उपस्थितांची मने जिंकली. या वेळी गुणवत्ताधारक विद्यार्थ्यांचा सत्कार उपस्थित मान्यवरांच्या हस्ते करण्यात येऊन त्यांना सन्मानचिन्ह, रोख बक्षीस व खाऊचे वाटप करण्यात आले. त्याचबरोबर हिंगणीगाडा व रोटी परिसरातील जिल्हा परिषद प्राथमिक शाळेतील विद्यार्थ्यांनी प्रभातफेरी काढून सामूहिक झेंडावंदन केले. त्यानंतर विद्यार्थ्यांच्या भाषणांचे व बक्षीस वितरणाचे कार्यक्रम आयोजित करण्यात आले होते. फोटो ओळ : स्वातंत्र्यदिनाच्या कार्यक्रमामत सामूहिक कवायत करताना वासुंदे (ता. दौंड) येथील जिल्हा परिषद प्राथमिक शाळा व गुरुकृपा माध्यमिक विद्यालयाचे विद्यार्थी. (छायाचित्र : गोरख जांबले)18082015-िं४ल्लि-21--------------------------------०००००