बीफवरील वक्तव्यावरून पर्रीकरांच्या राजीनाम्याची विहिंपची मागणी

. गोव्याचे मुख्यमंत्री पर्रीकर यांच्या या वक्तव्यावरून नाराज झालेल्या विश्व हिंदू परिषदेनं त्यांच्या राजीनाम्याची मागणी केली आहे.

ऑनलाइन लोकमत

नवी दिल्ली, दि. 19-  राज्यात बीफची कमतरता होऊ नये, यासाठी सरकारनं कर्नाटकातून बीफ आयात करण्याचा पर्याय कायम ठेवण्यात आला आहे, असं विधान गोव्याचे मुख्यमंत्री मनोहर पर्रीकर यांनी मंगळवारी केलं होतं. गोव्याचे मुख्यमंत्री पर्रीकर यांच्या या वक्तव्यावरून नाराज झालेल्या विश्व हिंदू परिषदेनं त्यांच्या राजीनाम्याची मागणी केली आहे. मनोहर पर्रीकर यांनी अशा प्रकारचं वक्तव्य करून भाजपची प्रतिमा मलिन केली आहे, असं विश्व हिंदू परिषदेचे नेते डॉ. सुरेंद्र जैन यांनी म्हटलं आहे. भाजप हा ‘बीफ जॉय’ पक्ष झाला आहे का, असा सवालही जैन यांनी उपस्थित केला आहे. भाजपची मलीन झालेली प्रतिमा स्वच्छ करायची असल्यास पर्रिकर यांनी राजीनामा द्यावा, अशी मागणीही त्यांनी ट्विटमधून केली आहे. 

https://t.co/zXkpEddbws Has #BJP become #Beaf Joy Party? #Parrikar should resign immediately to wash the face of #BJP .— Dr.Surendra Jain (@drskj01) July 19, 2017

 

आणखी वाचा

पाकिस्तान नव्हे चीन भारताचा मोठा शत्रू - मुलायम

धर्म सोडा किंवा शिक्षा भोगा! चीनच्या कम्युनिस्ट पार्टीचा सदस्यांना इशारा

संसदेतील कॅन्टीनच्या जेवणात आढळला कोळी

गोव्याचे मुख्यमंत्री मनोहर पर्रीकर यांनी गोवा विधानसभेत असं म्हटलं की, आम्ही बेळगावातून बीफ आयात करण्याचा पर्याय बंद केलेला नाही, जेणेकरुन राज्यात बीफची कमतरता भासू नये. भाजपाचे आमदार नीलेश काब्राल यांनी बीफसंदर्भात उपस्थित केलेल्या प्रश्नावर मनोहर पर्रीकर यांनी हे उत्तर दिलं. गोव्यात दिवसाला किती बीफची गरज भासते आणि ती कशी भागवली जाते, याची माहिती मागितली होती. गोव्याची गरज भागवताना गोवा मांस प्रकल्पातून 2 क्विंटल बीफ पुरवलं जाते. उर्वरित गरज ही कर्नाटकातून येणा-या मासांतून भागवली जाते, असे यावेळी मुख्यमंत्र्यानी सांगितलं. यावर पर्रीकर यांनी असंही सांगितलं की, मी तुम्हाला विश्वास देऊ शकतो की शेजारील राज्यातून येणा-या बीफची योग्य तपासणी अधिकृत व्यक्तींद्वारे केली जाईल. पर्रीकर असेही म्हणाले की, जवळपास 40 किलोमीटर दूरवर असलेल्या पोंडामधील गोवा मीट कॉम्प्लेक्समध्ये राज्यातील एकमेव अशा अधिकृत कत्तलखान्यात दररोज जवळपास 2,000 किलोग्रॅम बीफ तयार केले जाते.

 

पुढे पर्रीकरांनी असेही स्पष्ट केले की, उर्वरित बीफचा पुरवठा कर्नाटकातून होता.  गोवा मीट कॉम्प्लेक्समध्ये शेजारील राज्यातून कत्तलींसाठी येणा-या जनावरांवर बंदी आणण्याचा सरकारचा कोणताही हेतू नाही. राज्यात येणारे पर्यटक व येथील अल्पसंख्यांक समूह बीफचे सेवन करतात, त्याचे प्रमाण राज्यातील एकूण लोकसंख्येपासून 30 टक्के अधिक आहे. 

 दरम्यान, गोव्यात बाहेर राज्यांतून येणा-या बीफची डॉक्टरांकडून तपासणी करण्यात येणार असल्याचंही यावेळी मुख्यमंत्री मनोहर पर्रीकर यांनी विधानसभेत सांगितले. राज्यात दररोज 2.3 ते 2.4 क्विंटल बीफची विक्री होत असल्याची माहिती त्यांनी दिली. गोव्याबाहेरुन येणा-या बीफची आरोग्याच्या दृष्टीनं चौकशी होणं गरजेचं असल्याची मागणीही काब्राल यांनी केली होती.