भुवनेश्वर : ओडिशा विधानसभेमध्ये हिवाळी अधिवेशनाला सुरूवात झाली आहे. काँग्रेसचे आमदार ताराप्रसाद बाहिनिपती यांनी मंगळवारी प्रश्न विचारायची संधी दिल्याबद्दल विधानसभा अध्यक्ष एस एन पात्रो यांचे आभार मानले. मात्र, त्यांची पद्धत पाहून सारेच अवाक् झाले.
ताराप्रसाद यांनी पात्रो यांच्याकडे पाहून फ्लाईंग किस केला. यावरून सभागृहात हास्यकल्लोळ उडाला. तर काही आमदारांनी यावर आक्षेप घेतला. यानंतर विधानसभेतून बाहेर आलेल्या ताराप्रसाद यांनी खुलासा करताना आपण अध्यक्षांचा अपमान करण्याचा विचार नव्हता. मी त्यांचे आभार मानण्यासाठी फ्लाईंग किस केला, असे सांगितले.
अध्यक्षांनी माझ्य़ा मतदारसंघातील मागास जनतेविषयी चिंता व्यक्त केली. मी दिलेली फ्लाईंग किस त्याच्यासाठीच होती. मी सभागृहात 147 सदस्यांमधून पहिले बोलण्याची संधी दिली याबद्दल मी त्यांचा ऋणी राहीन, असेही ताराप्रसाद यांनी सांगितले.