सोलापूर : शहरातील बोगस नळ शोधमोहीम न घेण्यासाठी काही नगरसेवकांनी दबाव आणल्याचा गौप्यस्फोट महापालिका आयुक्त विजयकुमार काळम-पाटील यांनी बुधवारी झालेल्या सर्वसाधारण सभेत केला. त्या नगरसेवकांची नावे उघड करा म्हणून विरोधकांनी गोंधळ केला, पण आयुक्तांनी नाव उघड न करता सदस्यांचा पाठिंबा असेल तर २१ ऑगस्टपासून सर्व तयारीने ही मोहीम राबविण्यात येईल, अशी घोषणा केल्यावर सभेतील वादळ शमले.