सीबीएसई बोर्डाचा १० वीचा निकाल जाहीर, एकूण ९६.२१ टक्के विद्यार्थी उत्तीर्ण

बीएसई बोर्डाच्या १० वीच्या परीक्षेत एकूण ९६.२१ टक्के विद्यार्थी उत्तीर्ण झाले असून यंदा मुलीच अव्वल ठरल्या आहेत.

ऑनलाइन लोकमत

नवी दिल्ली, दि. २८ - सीबीएसई बोर्डाच्या १० वीच्या परीक्षेचा निकाल लागला असून यंदा निकालात मुलीच अव्वल ठरल्या आहेत. या परीक्षेत एकूण ९६.२१ टक्के विद्यार्थी उत्तीर्ण झाले आहेत.  ९६.३६ टक्के मुली व  ९६.११ टक्के मुलांनी परीक्षेत यश मिळवले.. तिरुअनंतपुरम विभागाचा निकाल सर्वाधिक म्हणजे ९९.८७ टक्के इतका लागला आहे. 

१ मार्च ते २८ मार्च २०१६ दरम्यान घेण्यात आलेल्या या परीक्षेसाठी १२ लाख ९१ हजार २९३ विद्यार्थी बसले होते. गेल्यावर्षीच्या तुलनेत यंदा परीक्षेला बसणा-यांचे प्रमाण ८.५ टक्क्यांनी वाढले. 

 

विभागनिहाय निकाल खालीलप्रमाणे :

अजमेर : ९६.६१ टक्के 

भुवनेश्वर : ९७.९० टक्के

चंदीगड : ९६.५३ टक्के

दिल्ली : ९०.४४ टक्के

गुवाहाटी : ८४.२१ टक्के

मद्रास :  ९८.५५ टक्के

पाटणा : ९६.४७

अलाहबाद : ९३.७९ टक्के 

तिरुअनंतपुरम : ९९.८७ टक्के

डेहराडून : ९६.७४ टक्के