ऑनलाइन लोकमत
श्रीनगर, दि. 5 - सीआरपीएफ कॅम्पवर हल्ला करणा-या दहशतवाद्यांचा खात्मा केल्यानंतर सुरक्षा जवानांनी वेगळ्या अंदाजात आपला आनंद व्यक्त केला. जम्मू काश्मीरमधील बंदीपुरा जिल्ह्यातील संबल परिसरात रात्री दहशतवाद्यांनी हल्ला केला होता. जवानांनी दहशतवाद्यांचा खात्मा केल्यानंतर जोरजोरात "भारत माता की जय"च्या घोषणा दिल्या. हल्ला परतवून लावताना जवानांनी चार दहशतवाद्यांना ठार केलं.
सीआरपीएफ अधिकारी योगेश कुमार यांनी दिलेल्या माहितीप्रमाणे, "दहशतवाद्यांनी रात्री उशिरा 3.30 वाजण्याचा आसपास छावणीवर आत्मघाती हल्ला करण्याचा प्रयत्न केला. मात्र त्यांचा हा प्रयत्न जवानांनी हाणून पाडला. सोबतच चार दहशतवाद्यांना ठार केलं".
जखमी जवानांना उपचारासाठी रुग्णालयात दाखल करण्यात आलं होतं. लष्कराचा ताफा राष्ट्रीय महामार्गावरून लोअर मुंडा येथून जात असताना दक्षिण काश्मीरजवळील काझीगुंड येथे दहशतवाद्यांनी हल्ला चढवला", अशी माहिती लष्कराच्या वरिष्ठ अधिका-याने दिली होती. चार जवान जखमी झाले होते. गंभीररीत्या जखमी झालेले दोन जवान शहीद झाले होते. त्यावेळीही संपूर्ण परिसरात नाकाबंदी करण्यात आली होती. हल्लेखोरांचा शोध घेण्यासाठी सर्च ऑपरेशन सुरू होते.