Avadh Ojha: प्रसिद्ध UPSC शिक्षक अवध ओझा यांनी दिल्ली विधानसभा निवडणुकीत आम आदमी पार्टीच्या तिकीटावर पटपडगंज विधानसभा मतदारसंघातून निवडणूक लढवली होती. मात्र, त्या निवडणुकीत त्यांना मोठ्या पराभवाचा सामना करावा लागला. त्यानंतर आता त्यांनी अखेर राजकारणातून सन्यास घेतल्याची घोषणा केली आहे. यासोबतच त्यांनी आपच्या प्राथमिक सदस्यत्वाचाही राजीनामा दिला आहे.
राजकारण माझ्यासाठी नव्हते
एका पॉडकास्टमध्ये बोलताना अवध ओझा म्हणाले की, मी आता पूर्वीपेक्षा जास्त खुश आहे. आता मी मोकळेपणाने बोलू शकतो. मला लहानपणापासून राजकारणाची इच्छा होती. म्हणूनच निवडणूक लढलो. पटपडगंजच्या जनतेने सन्मान दिला, दुसऱ्या क्रमांकावर आलो. पण, नंतर समजले की, मी राजकारणासाठी बनलोच नव्हतो. म्हणून मी सन्यास घेण्याचा निर्णय घेतला. पार्टी लाईनच्या बाहेर काही बोलता येत नव्हते आणि यामुळे मी खूप अडकलो होतो. आता मात्र मला कोणीही थांबवणारे नाही, अशी प्रतिक्रिया त्यांनी दिली.
अवध ओझांचा 28,072 मतांनी पराभव
दिल्ली विधानसभा निवडणुकीत भाजपचे उमेदवार रविंदर सिंह नेगी यांनी ओझांचा मोठ्या फरकाने पराभव केला.
नेगी (BJP) - 74,060 मते
अवध ओझा (AAP) - 45,988 मते
अनिल कुमार (Congress) - 16,549 मते
कोण आहेत अवध ओझा?
अवध ओझा हे UPSC कोचिंग क्षेत्रातील लोकप्रिय नाव आहे. त्यांचा जन्म 3 जुलै 1984, गोंडा (उत्तर प्रदेश) येथे झाला. बालपणापासून त्यांचे IAS होण्याचे स्वप्न होते. ग्रॅज्युएशननंतर दिल्लीमध्ये UPSC ची तयारी, पण परीक्षेत यश मिळाले नाही. त्यानंतर अध्यापन सुरू केले आणि त्यांच्या अनोख्या शिकवण्याच्या पद्धतीमुळे विद्यार्थ्यांत अत्यंत लोकप्रिय झाले. ओझा आज सोशल मीडियावर मोठ्या प्रमाणात चर्चेत राहतात आणि अनेक नामांकित IAS संस्थांमध्ये अध्यापन केले आहे.
Web Summary : UPSC teacher Avadh Ojha resigns from politics and AAP after a significant defeat in the Delhi elections. He stated that politics wasn't for him and he felt restricted. He lost the Patparganj seat to BJP's Ravinder Singh Negi by a margin of 28,072 votes.
Web Summary : दिल्ली चुनाव में हार के बाद यूपीएससी शिक्षक अवध ओझा ने राजनीति और आप से इस्तीफा दे दिया। उन्होंने कहा कि राजनीति उनके लिए नहीं थी और वह प्रतिबंधित महसूस कर रहे थे। उन्होंने पटपड़गंज सीट पर भाजपा के रविंदर सिंह नेगी से 28,072 मतों के अंतर से हार गए।