ऑनलाइन लोकमत
नवी दिल्ली, दि. १९ - आसाममधील कार्बी आंगलोंग जिल्ह्यात ग्रेनेडचा स्फोट झाल्याचे वृत्त आहे. या स्फोटात एक महिला ठार झाली असून चार जण जखमी झाले आहेत.
पोलिसांनी दिलेल्या माहितीनुसार, कार्बी आंगलोंग जिल्ह्यातील दिफू येथील जिल्हा मुख्यालयाजवळ हा ग्रेनेडचा स्फोट झाला. या स्फोटात एक महिला ठार झाली, तर चार जण जखमी झाले आहेत. तुनी बेगम असे या मृत महिलेचे नाव असल्याचे समजते. तसेच, जखमींना येथील जवळच्याच रुग्णालयात दाखल करण्यात आल्याचे पोलिसांनी सांगितले.