ऑनलाइन लोकमतनवी दिल्ली, दि. 4 - दिल्लीचे मुख्यमंत्री अरविंद केजरीवाल आणि आम आदमी पार्टीचे अध्यक्ष अरविंद केजरीवाल सोशल मीडियावर स्वतःच्या बेजबाबदार वक्तव्यांमुळे नेहमीच टीकेचे पात्र ठरतात. अनेक जण सोशल मीडियावरून त्यांची टिंगलटवाळीही करत असतात. सोशल मीडियावर त्यांना देशाचा एकुलता एक प्रामाणिक माणूस म्हणत त्यांच्या उपरोधिक टीकाही केली जाते. आता ज्येष्ठ अभिनेते ऋषी कपूर सोशल मीडियाच्या माध्यमातून अरविंद केजरीवालांवर भडकले आहेत.मात्र, बुधवारी म्हणजे आज ज्यावेळी निवडणूक आयोगानं 5 राज्यांच्या विधानसभा निवडणुकांची घोषणा केली. त्यानंतर काही वेळातच अरविंद केजरीवालांनी नाराजी व्यक्त केली. तसेच गोवा आणि पंजाबच्या निवडणुकांची तारीख एक नसावी, असंही आप म्हणणं आहे.
It will be wrong to present Budget just three days before polling in Goa and Punjab.EC sud take cognisance/issue appropriate instructions— ashutosh (@ashutosh83B) 4 January 2017
दरम्यान आपच्या याच टीकेचं बोट पकडून ज्येष्ठ अभिनेते ऋषी कपूर यांनी अरविंद केजरीवालांवर निशाणा साधला आहे. त्यांनी केजरीवालांवर राग व्यक्त करतानाच नेहमीच तक्रारी का करता, असा प्रश्न ट्विटरच्या माध्यमातून विचारला आहे. "तुमचं नाव मि. कम्प्लेंट बॉक्स ठेवलं पाहिजे. तुम्हाला केव्हाच आनंद होत नाही", असं म्हणत ऋषी कपूर यांनी अरविंद केजरीवालांवर टीका केली आहे.
Why are you always complaining Mr.Kejriwal? Tumhara naam Mr. Complaint Box rakh lena chahiye! Never happy!