ऑनलाइन लोकमत
मुंबई, दि. १७ - बॉलिवूडमधील प्रसिद्ध गायक अरजित सिंग याला नुकतीच कुख्यात गुंड रवी पुजारीच्या गँगकडून जीवे मारण्याची धमकी देण्यात आली आहे. पुजारा याने अरजितकडे ५ कोटी रुपयांच्या खंडणीची मागणी केली असून पैसे न दिल्यास त्याला जीवे मारण्यात येईल असे त्याला धमकावण्यात आले आहे. याप्रकरणी अरिजत अधिकृतरित्या कोणतीही तक्रार दाखल केली नसली तरी ओशिवारा पोलिस स्थानकात गुन्हा दाखल करण्यात आला आहे. ' असा प्रकार आपल्यासोबत पहिल्यांदाच घडत असून मात्र त्यात काहीही विशेष नाही' असे अरजितने म्हटले आहे.
अरजितची 'तुम ही हो' , 'मैं रंग शरबतोंका' अशी अनेक गाणी गाजली असून सध्याच्या तरूणाईमध्ये त्याच्या आवाजाची क्रेझ दिसून येत आहे.