ेसारांश जोड.....

तेली समाजातील गुणवंतांचा सत्कार
नागपूर : श्री संत जगनाडे महाराज तेली समाज सेवा मंडळातर्फे तेली समाजातील गुणवंत विद्यार्थ्यांचा सत्कार आणि ज्येष्ठ नागरिकांचा सत्कार हुडकेश्वर मार्गावरील संताजी जगनाडे महाराज तेली समाज सेवा मंडळात करण्यात आला. अध्यक्षस्थानी जवाहर विद्यार्थी वसतिगृहाचे अध्यक्ष रमेश गिरडे होते. प्रमुख पाहुणे म्हणून जिल्हा परिषद सदस्य शुभांगी गायधने, मृणाल मोकदम, किशोर वरंभे, राम वंजारी उपस्थित होते. संचालन मीनाक्षी तलमले यांनी केले. आभार भोजराज मस्के यांनी मानले.

जवाहर महिला मंचातर्फे श्रावणसरी
नागपूर : जवाहर विद्यार्थी गृह सिव्हिल लाईन्सच्या जवाहर मंचातर्फे श्रावणसरी कार्यक्रमाचे आयोजन करण्यात आले. यात गोकुळाष्टमीचा देखावा सादर करून महिलांसाठी पाककला, गीतगायन, नृत्य स्पर्धांचे आयोजन करण्यात आले. अध्यक्षस्थानी मृणाल मोकदम होत्या. प्रमुख पाहुणे म्हणून विद्या गिरडे, रमेश गिरडे उपस्थित होते. यावेळी लक्ष्मीनगर झोनच्या सभापती जयश्री वाडीभस्मे, धरमपेठ महिला बँकेच्या अध्यक्ष नीलिमा बावणे यांचा सत्कार करण्यात आले. संचालन मंदा उमाठे यांनी केले. आभार सुजाता नागपुरे यांनी मानले.

शारदा महिला मंडळातर्फे श्रावण राखी
नागपूर : गांधीनगर शारदा महिला मंडळातर्फे श्रावण राखी कार्यक्रमाचे आयोजन करण्यात आले. यात महिलांसाठी हळदीकुंकू घेण्यात आले. अध्यक्षस्थानी गीता काळे होत्या. कार्यक्रमाला मंजूषा बोंदरे, दीपश्री खरे, रिना मंदावार, ज्योती शुक्ला, माया थोरात, अनुराधा सुरपैठणकर, माधवी मेलग, मुग्धा रोटीवार, स्मिता केदार, अर्चना शेंदरे, शोभा मुदलियार, संध्या रेवतकर, लतिका सुपनेर, बॉबी कोवे, शोभा गौर उपस्थित होत्या.

ग्राहक समाधान शिबिराचे आयोजन
नागपूर : भारतीय जनता पार्टी ख्रिश्चन आघाडीतर्फे एसएनडीएल ग्राहक समाधान शिबिराचे आयोजन मार्टिननगरात करण्यात आले. शिबिरात एसएनडीएलचे अधिकारी अरुण शर्मा, अतुल पांधी यांनी ग्राहकांच्या समस्यांचे निराकरण केले. शिबिराच्या यशस्वीतेसाठी सुनील मॅथ्यू, विकास फ्रान्सिस, सुनील फिलीप, डेनियल ग्रेगरी, जय रेड्डी, जोनस पॉल, फ्लोरी डगलस, प्रिया थोरात, लॉरेन्स मामू यांनी परिश्रम घेतले.