ऑनलाइन लोकमत
अहमदाबाद, दि. १ - ' कुछ दिन तो गुजारों गुजरातमें' असे म्हणणा-या गुजरातच्या अहमदाबादमध्ये देशातील पहिले 'अंडरवॉटर रेस्टॉरंट' सुरू झाले आहे. अहमदाबादमधील उद्योजक भरत भट्ट यांनी दक्षिण बोपाल भागात उघडलेले ' Real Poseidon ' या रेस्टॉरंटचे आजच (१ फेब्रुवारी) उद्घाटन होणार आहे.
काय आहे या रेस्टॉरंटची वैशिष्टय :
- हे रेस्टॉरंट जमिनीखाली २० फूटांवर असून तिथे ३२ ग्राहक भोजनाचा आस्वाद घेऊ शकतात.
- निसर्गाशी जवळीक साधता यावी म्हणून या रेस्टॉरंटमध्ये १,५०,००० लीटर पाण्यात अहमदाबाद, राजकोट आणि वडोदा येथील लोकल मार्केटमधून आणलेले ४ हजार रंगीबेरंगी मासे आणि अनेक जलचर सोडण्यात आले आहेत.
- या रेस्टॉरंटसाठी सुमारे ३ कोटी रुपये खर्च आल्याचे समजते.
- पूर्णपणे शाकाहारी असलेल्या या रेस्टॉरंटमध्ये पंजाबी, थाय, चायनिज आणि मेक्सिकन जेवण उपलब्ध आहे.
- दरम्यान उद्घाटनाच्या दिवशीच या अनोख्या रेस्टॉरंटमधील भोजनाचा आस्वाद घेण्यासाठी दीडशे जणांनी बुकिंगही केले आहे.