सारांश जोड़...

दुर्गा मंदिरात नवरात्र उत्सव
नागपूर : काटोल रोडवरील दुर्गा माता मंदिरात येत्या १३ ते २६ ऑक्टोबर दरम्यान नवरात्र उत्सवाचे आयोजन करण्यात आले आहे. यासाठी दुर्गामाता मंदिर संस्थानचे अध्यक्ष कढव गुरुजी यांच्या हस्ते अलीकडेच मंदिर परिसरात स्तंभ लावून भूमिपूजन करण्यात आले. यावर्षी संपूर्ण मंदिर परिसराची आकर्षक सजावट करण्यात येणार आहे. शिवाय भाविकांच्या सोयीसाठी सर्व व्यवस्था केली जाणार आहे. दरम्यान २१ ऑक्टोबर रोजी महाअष्टमीच्या महापर्वानिमित्त सप्तशती यज्ञ, बलिपूजा, पूर्णाहुती, आरती व महाप्रसादाचा कार्यक्रम होईल. तसेच २२ ऑक्टोबर रोजी सकाळी १० वाजता घटविसर्जन शोभायात्रा काढण्यात येणार आहे.
..
विज्ञान मंचची रविवारी परीक्षा
नागपूर : रविनगर येथील राज्य विज्ञान शिक्षण संस्थाच्यावतीने आयोजित विज्ञान मंच प्रवेश पूर्व परीक्षेच्या तारखेत बदल करण्यात आला आहे. त्यानुसार ही परीक्षा २० सप्टेंबर रोजी होणार होती, परंतु आता ती ४ ऑक्टोबर (रविवारी) रोजी होणार आहे. तरी या बदलाची संबंधित शाळा व परीक्षार्थींनी नोंद घ्यावी, तसेच अधिक माहितीसाठी शिक्षणाधिकारी (माध्यमिक) यांचेशी संपर्क साधावा, असे आवाहन राज्य विज्ञान शिक्षण संस्थेचे संचालक नारायण जोशी यांनी केले आहे.
.....
वादविवाद स्पर्धा
नागपूर : धरमपेठ विज्ञान महाविद्यालयाच्यावतीने आंतरमहाविद्यालयीन वादविवाद स्पर्धेचे आयोजन करण्यात आले होते. या कार्यक्रमाला डॉ. राजेश पशीने, प्रा. सुजाता नूर अली, प्रा. जवादे, मानसी कान्हे,डॉ. सोनू जैस्वानी, डॉ. सुमेध नागदेवे, डॉ. अर्चना कुलकर्णी व डॉ. सीमा डबाळे उपस्थित होत्या. या स्पर्धेत उत्कर्ष राठी, शर्वरी पेठकर, दिवेश गोंडाणे व प्राची अग्रवाल यांनी विजेतेपद पटकाविले.