२९... गुन्हे

सहा चोरट्यांना अटक
नागपूर : टॉवरचे केबल चोरून नेणाऱ्या सहा चोरट्यांना पारशिवनी पोलिसांनी नुकतीच अटक केली. त्यांच्याकडून २० हजार रुपये किमतीचा मुद्देमाल जप्त केल्याची माहिती पारशिवनी पोलिसांनी दिली.
बबलू शामराव झाडे (३०), रमेश रामसुहावन केसरकर (२४), मंजित माखनलाल यादव (२१), राजेश कुऱ्हे (२७) सर्व रा. वलनी, ता. सावनेर, अक्षय अशोक खंडेराव (२०) व मोहीत संजय बोरकर (२०) दोघेही रा. पिपळा (डाकबंगला) ता. सावनेर अशी अटक करण्यात आलेल्या चोरट्यांची नावे आहेत. पारशिवनी पोलीस ठाण्याच्या पिटोली शिवारात इंडस् कंपनीचे टॉवर आहे. या सहाही जणांनी संगनमत करून या टॉवरचे २०० मीटर केबल चोरून नेले होते. या केबलची किं मत २० हजार रुपये असल्याचे पोलिसांनी सांगितले. या प्रकरणी पारशिवनी पोलिसांनी भादंवि ३७९, ३४ अन्वये गुन्हा नोंदवून आरोपीस अटक केली. या सर्व चोरट्यांना न्यायालयाने सोमवारपर्यंत पोलीस कोठडी सुनावल्याची माहिती पोलिसांनी दिली. (प्रतिनिधी)
***
लोखंड चोरट्यांना अटक
खापरखेडा : खापरखेडा पोलिसांनी दहेगाव शिवारात गुरुवारी मध्यरात्री कारवाई करून तीन लोखंड चोरट्यांना अटक केली.
नदीम शब्बीर शेख (२६, रा. महादुला), गोलू ऊर्फ गोगा ऊर्फ कृष्णा रमेश शर्मा (रा. श्रीवासनगर, कोराडी) व अम्रपाल ऊर्फ ब्रह्मानंद पाटील (२३, रा. नवीननगर, पारडी, नागपूर) अशी अटक करण्यात आलेल्या चोरट्यांची नावे आहेत. या तिधांनी संगनमत करून फिर्यादीच्या घरासमोरील विहिरीवर ठेवलेली १४०० रुपये किमतीची लोखंडी जाळी आणि ३० हजार रुपये किमतीची एमएच-३१/डीवाय-७६०० क्रमांकाची ॲक्टिव्हा असा एकूण ३१ हजार ४०० रुपये किमतीचा ऐवज चोरून नेला होता. तिन्ही चोरटे दहेगाव शिवारात लपून बसले असल्याची माहिती मिळताच खापरखेडा पोलिसांनी त्यांना मोठ्या शिताफीने अटक केली. या प्रकरणी खापरखेडा पोलिसांनी भादंवि ३७९, ४११, ३४ अन्वये गुन्हा नोंदवून तपास सुरू केला आहे. सदर घटनेचा तपास दुबे करीत आहे. (प्रतिनिधी)
***