२७... धामना... अपघात

(फोटो-पासपोर्ट)
मोटरसायकल दुभाजकावर आदळल्याने एक ठार
दोघे जखमी : सातनवरी शिवारातील अपघात
धामना : भरधाव मोटरसायकलवरील ताबा सुटल्याने दुभाजकावर आदळली. यात एकाचा घटनास्थळीच मृत्यू झाला तर, मोटरसायकलवरील अन्य दोघे गंभीर जखमी झाले. ही घटना नागपूर-अमरावती महामार्गावरील कोंढाळी पोलीस ठाण्याच्या हद्दीतील सातनवरी शिवारात शुक्रवारी रात्री १०.३० वाजताच्या सुमारास घडली.
संजय करमे (३०) असे मृताचे नाव असून, कुणाल मोरे (२५) आणि बंडू वराडे (३५), तिघेही रा. सातनवरी अशी गंभीर जखमींची नावे आहेत. तिघेही मोटरसायकलवर ट्रिपल सीट धामन्याहून सातनवरीकडे भरधाव जात होते. त्यांच्यासोबत भरलेले गॅस सिलिंडर होते. मोटरसायकल नुकतीच विकत घेतल्याने क्रमांकही मिळाला नव्हता. ते सातनवरी शिवारात पोहोचताच चालकाचा ताबा सुटला आणि भरधाव मोटरसायकल दुभाजकावर आदळली. यात तिघेही गंभीर जखमी झाले. यात संजयचा घटनास्थळीच मृत्यू झाला.
कुणाल व बंडूला लगेच नागपुरातील खासगी हॉस्पिटलमध्ये भरती करण्यात आले. धामना परिसरात वाहतूक पोलीस मदत केंद्र आहे. सदर केंद्र चार वर्षांपासून बंद असल्याने या परिसरात होणाऱ्या अपघातातील जखमींना वेळीच मदत मिळू शकत नाही. या प्रकरणी कोंढाळी पोलिसांनी गुन्हा नोंदवून तपास सुरू केला आहे. (वार्ताहर)
***