ऑनलाइन लोकमत -
नवी दिल्ली, दि. 15 - दक्षिण सुदानमधे अडकलेल्या 156 भारतीयांची सुटका करण्यात आली आहे. 156 भारतीयांना घेऊन निघालेलं हवाईदलाचं C-17 विमान शुक्रवारी पहाटे पाच वाजता तिरुअनंतपुरममध्ये दाखल झालं. तिथून सकाळी 10 वाजता ते दिल्लीला पोहोचलं. दक्षिण सुदानमधील युद्दामुळे अडकलेलेया भारतीयांची सुटका करण्यासाठी ‘ऑपरेशन संकटमोचन’ सुरु करण्यात आलं आहे. त्याच्या पहिल्या टप्प्यात 156 भारतीयांची सुटका करण्यात आली. पराराष्ट्र राज्यमंत्री जनरल व्ही के सिंह यांनी ऑपरेशन संकटमोचनचं नेतृत्त्व केलं.
दक्षिण सुदानमधील यादवीला पुन्हा तोंड फुटल्यामुळे देशाची राजधानी जुबात 300 हून अधिक भारतीय अडकून पडले आहेत. वांशिक आधारावर फूट पडलेल्या दोन सशस्त्र गटांत गुरुवारपासून लढाई सुरू असून, भारतीयांनी भारतीय दूतावासासह विविध ठिकाणी आश्रय घेतला आहे. राष्ट्रपती आणि उपराष्ट्रपती यांच्या गटातील संघर्षामुळे सुदानला अंतर्गत यादवीने पछाडलं आहे. यामध्ये 200 हून अधिक नागरिकांचा मृत्यू झाला आहे. दरम्यान राष्ट्रपतींनी सोमवारीच युद्धविरामची घोषणा केली होती.
दक्षिण सुदानमधील गृहयुद्धात 600 भारतीय अडकले आहेत. त्यापैकी 450 जण राजधानी जुबामध्ये आहेत. मात्र या 600 पैकी केवळ 300 भारतीयांना मायदेशात परतण्याची इच्छा व्यक्त केली. त्यानुसार 156 नागरिक हवाईदलाच्या विमानाने परतले आहेत.
Op #SankatMochan in progress.A sense of fulfillment prevails in the team seeing these happy faces. Jai Hind!! pic.twitter.com/XvVUnwEPfW— Vijay Kumar Singh (@Gen_VKSingh) July 14, 2016
Success is the natural outcome when working as a team.Thanku @narendramodi Ji, @SushmaSwaraj Ji, @manoharparrikar Ji pic.twitter.com/xKTMxJkUJe— Vijay Kumar Singh (@Gen_VKSingh) July 14, 2016
Op #Sankatmochan leaving Juba for India via Entebbe (Uganda) pic.twitter.com/4glo05F52H— Vijay Kumar Singh (@Gen_VKSingh) July 15, 2016
Honouring a successful homecoming!MoS @VijayGoelBJP receives team #SankatMochan and evacuees at the Palam Airport pic.twitter.com/teGRgff852— Vikas Swarup (@MEAIndia) July 15, 2016